قصيده تقطع القلب ..وتبكي,,,

[أبــــــو راكــــــان]

قصيده تقطع القلب...


لواحد اسمه خالد فيه مرض السرطان الله يكفينا شره

وقالوله انه بيموت ..

كتب القصيده هذى لصديقه يوصيه
انه يحب حبيبته من بعد وفاته وينسيها الم فرقاااه


وهذى القصيده ....





وصاتي لك من بعـدي تمـوت فيهـا علشانـي
ابيها تعيش و تحيا بك واظـل بالذاكـره مفقـود
وصاتي لك تنسيها ملامـح وجهـي و تنسانـي
وتعزفها قصيدة حب على اللي عزفته بعود
وصاتي لك تبعدهـا عـن اشعـاري وقيفانـي
تراها مغرمة بالحيل ويشهد لـي عـدد الـردود
وصاتي لك تسايرها ترى فيهـا مـن احزانـي
طلبتك لايضيق بالك طلبتـك والطلـب مـردود
وصاتي لـك تناديهـا حياتي..عمري..ازمانـي
انـا عودتهـا دايـم ادلعهـا وانـا مـوجـود
وصاتي لك تعاملهـا بطيبـه قلـب و احسانـي
تراها تـذرف الدمعـه ودمعتهـا بليٌـا حـدود
وصاتي لـك تحفظهـا سـور وآيـات قرآنـي
وتخبرها عـن الميـت رحـل لايمكنـه بيعـود
وصاتي لك ترسمهـا علـى قبـري وأكفانـي
ابيها لوحة تبقى علـى طـول الزمـن محـدود
وصاتي لك تمازحها وتشوف الضحكة بأسنانـي
سعيتك ياضحك هالكون طلبتك لاتصير جلمـود
وصاتي لك تقهويهـا مـن دلالـي و فنجالـي
تراها تعشق السمـرا ويكفيهـا دخـون العـود
وصاتي لك تركبها على خيلي و على حصانـي
وربي فارسة من قلب شهـادة ماهـي لشهـود
وصاتي لـك تسفرهـا بـلاد الشـام و لبنانـي
ترى يحلالها تقطف ورده وردة من بلد الـورود
وصاتي لك تراقصهـا علـى الحـان رحبانـي
ترى فيها عرق خالة وفيها من جنـون السـود
وصاتي لك تحببهـا فأبـو نـورة بعـد هانـي
وتنسيها ندم غلطة انـا فيهـا تـرى المقصـود
وصاتي لك تكرهها فـي تاريخـي و عنوانـي
أبيها تلعن اللحظة وتلعـن كـل فـرح موعـود
وصاتي لك تكلمها عن المجني وعـن الجانـي
وتخليني انا الظالم وانـا مـن حـرق الاخـدود
وصاتـي لـك تشبهنـي بـدم أحمـر قـانـي
وانا هالقاتل السفاح مجرم من عصـر نمـرود
وصاتـي لـك تحلفهـا تتـوب تحبنـي ثانـي
ترى يكفيها ماعانـت ويكفـي حيلهـا مهـدود
وصاتـي لـك تنسيهـا وصيـة قالهـا لسانـي
أنا اخبرك رجل موقـف وانـت قدهـا وقـدود
صديقي مالقيت غيرك يعرف وشلـون تنسانـي
أمانه ضمها بقلبك ترى خالد..رحل مايعـود...



وسلامتكم ...

تحيـــــــــاتي

["دانـــة حـــرب"]

يسعدني اني اول من يرد عليك
يــــــــــــاااااااااااي والله قلبي عورني عليه
الله يشفيه ويصبر حبيبته ويعين صديقه على المهمه الصعبه ماضنتي بتنساه

شاكره لك اخوي على الكلمات المؤثره

[أبــــــو راكــــــان]

دانة حرب يسعدني تواصلك وردك الاول لي,,,,
لكن من يلقى مثل هذا الحب الشريف,,,
لو واحد ثاني قام وذبح الولد ,,,,
واتمنى لك السعاده الحربيه في الدارين,,,

[حامد بن دهيكل]

وصاتـي لـك تحلفهـا تتـوب تحبنـي ثانـي
ترى يكفيها ماعانـت ويكفـي حيلهـا مهـدود
وصاتـي لـك تنسيهـا وصيـة قالهـا لسانـي
أنا اخبرك رجل موقـف وانـت قدهـا وقـدود
صديقي مالقيت غيرك يعرف وشلـون تنسانـي
أمانه ضمها بقلبك ترى خالد..رحل مايعـود...


الاخ ابو راكان قصيدة قويه جدا
لقد نظرت للقصيدة من جانبين
الجانب الاول
اذا دققت في القصيدة وكلماته القويه وعاطفتها الحزين
تقول ان القصيدة وقصتها حقيقيه مئه بالمئيه

الجانب الثاني
اذا نظرت اليها من جانب الرجوله والحب الذي عرفوه الرجل البدوي
تقول ان هذه القصيده قالها شاعر على لسان نسج الخيال(اي انه نسج هذة القصة والقصيدة من خياله.
الاخ ابو راكان
هذا مجرد وجهة نضر واحد من الناس
قد يكون كلامي صحيح بنسبه واحد فالمئه
واعيد واكرر انها مجر وجهة نضري الخاصة
تقبل تقديري واحترامي

[أبــــــو راكــــــان]

حامد شكرا لك على التعقيب,,,,
صدقني اعجبني اللي قلته ونفس الشي انا فهمته من خلال قراتي للقصيدة,,,,
عسى ربي لايحرمني من تواصلك,,,,