قصة غزوة السبيعي على قبيلة حرب

[نوافـــ الحربي]

في ماضي الزمان والقصه لها مائه وخمسون عام تقريبا
فيه رجل أسمه فهيد الصييفي وهذا الرجل من مشايخ قبيلة سبيع ومن الرجال المشهورين وكان محله على طريق
القوافل التي تمد من نجد ألى الاحساء وفي ذلك التاريخ من
كان عنده استطاعه على شى أخذه حيث كان حياة الناس
مهددة بالخوف وتوفر السلب والنهب وقد أشتهر الصييفي بحمايته للقوافل أثنا مرورهامع الديار التى يقطنها الصييفي حتى تعدى حدود ديارهم الى حدود الناس الآخرين وقد شاع صيته بين اهل القوافل ومن عبر مع الديره التي يوجد بها الصييفي أمن على نفسه وقافلته :وفي يوم من ألايام غزا الصييفي ومعه ناس من قبيلته وقصد بالغزو قبيلة بني سالم من حرب وقد تمكن ومن معه على أخذ الابل والذهاب
بها وبعد فتره وجيزه لحقو بني سالم بقوم الصييفي وقد تمكنو من استعادة ابلهم وصارت لهم السلطه الطائله على
الغزيه وقد تعرف شبيب بن نحيت على شخصية الصييفي
وبعد أن عرفه طلب من قبيلة حرب عدم التعرض له وجماعته
حيث انهم أصبحو تحت حماية أبن نحيت وقال ابن نحيت
ان الصييفي الذي كان يقوم بحماية المديد وجزاءه على ماكان يقوم به من عمل وحماية اهل القوافل أنه اليوم وجماعته تحت حمايتي وهذارد وفاء من الناس أصحاب الوفاء
حيث ابن نحيت لم يفكر في الانتقام من الصييفي الذي قصدهم بالغزيه




وقال السبيعي هذه الابيات التاليه
<لحقوا بني سالم عصاة ملابيس>
حنا ركبنا فوق طوال النسانيس
من فوق حيل يقطعن الريادي
وغرنا على البل في جنوب الطعامبس
يازين كسب مصلفحات التوادي
لحقو بني سالم عصاة ملابيس
مثل الجمال الصائكه بالهدادي
واركو علينا محكمات المقابيس
حتى الصعب منا نشب بالشداوي
ورديت شقراء وأول الجيش قد حيس
يوم أن ابن نحيت بأسمه ينادي

[زارع الـزارع]

نواف الطريسي

مشكور على طرح هذه القصه والقصيده

لاهنت اخووي

بنتظار جديدك

تقبل مني ارق التحايا

زارع الـزارع

[خالد الخضراني]

نواف الطريسي

يعطيك العافيه على سرد هذي القصه البطوليه وفيه من الحكمه والحنكه تضاف لرصيد قبيلة حرب القبيله الكبيره بكل شي لاكن سم من عاداهم ...

[سامي الحربي]

يعطيك الف عافيه اخوى نواف الطريسي

قصه وقصيدة مشرفه وقبيلة حرب اخذها مكاسبها منها

لاهنت يالغالى وننتظر جديدك من قصص

[أبن القبيله]

الأخ الفاضل :

(( نواف الطريسي ))

لقد إطلعت على القصة التي أوردت وهي قصة أخو بدها :

(( عبيدالله بن نحيت ))

وللتصحيح والتوضيح أحببت أن أورد لك القصة التي سبق وأن

كتبتها في أكثر من منتدى من منتديات قبيلة حرب العزيزة

وهي كالتالي :

من قصص :

(( عبيدالله بن نحيت )) أخو بدها












كان (( عبيدالله بن نحيت )) مقيـّـظ له على خبراء

(( بالصمان )) ومعه ربعه , عند (( الدّويش )) أمير مطير وحسب ماروي لي أنه

ـ الحميدي ـ

وكذلك (( فهيد الصييفي السبيعي )) وجماعته ,

والذي قيل لي : أنه ماياخذ المدّاد والروّاي 0

وكان بينهم ــ الثلاثة ــ إتفاق إن الخبراء مايطبها من

الحلال شيء وإن كل ٍ يحط حياضه على جال الخبراء

ويسقي , جاء أحد الأيام وتناحا أحد المطران

مع واحد ٍ من الحروب أي أسبق نياقي وإلا نياقك ؟

وإتفقوا إنهم يتسابقون على الخبراء , وتسبق

نياق الحربي على الخبراء , ويخضن الماء وليا

الدّويش يشوفهن وهو

يرسل واحد من رجاله قال : شف منهو اللي خض

الخبراء بالبل ! وراح المرسول يبي يشوف منهو يوم

إنه وصله وليا واحد من الحروب , صار بينهم نقاش

وعلى اثره قام الحربي وطش المرسول بالخبراء ,

وصل العلم الدويش ,

وهو يرسل (( لعبيدالله بن نحيت ))

قال : أنتم

نقضتوا العهد والإتفاق اللي بيننا واليوم دارنا تعذركم ,

وعطاه الثلاث المهربات 0

أخذ (( إبن نحيت )) ربعه

بحامي القيض ويوم وصل

النفود وليا يوم أهل الحلال تقطع حلالهم , راع

الغنم

وخلاّها وركب مع راع الخف , والورعان لها جضة من

الضماء , وتقل سمع له كلام , وشاف الهلاك محيط ٍ به

وبربعه , وهو يتقبل القبله ويرفع يديه قال : يالله

أني طالبك إنك تسقينا يارب ودعا :

[[إني أقري الضيوف وأعمل المعروف , يالله إنك لاتقتلنا حرج وعندك باب فرج ]]

وهي تنشي كبر العباه , ويوم جت عند أول

الضعينه وهي تحط ثقلها, ويوم جت آخر الدّبش وهي

ترفع , وهم يرتوون ويسقون حلالهم 0


الصييفي يوم جاء نهار ثاني قال : ياخو جوزاء

يعني الدّويش , أنت وراك ما تخلينا نآخذ الحربي

اللي تلقى المضامي , وإن ما أخذناه أخذه الضمأ ,

قال الدّويش : أنا معطيه الثلاث المهربات , قال :

الصييفي ما يمدينا ناصله إلا عقب ما تمضي المدّه

هذا إن لحقناه حي ما هلك هو وربعه من الضمأ ,

وهم يتفقون إن الصييفي واللي معه يتلقفون

للضعينه من قدّام , والدّويش وربعه يتقفونهم ,

ويوم شفــّـوا على الضعينه الدّويش وربعه ولياه

يشوف البل مثل الودع , ولياه على المـــــــــاء

اللي عقبته السحابه

قال : لربعه واللي معه أنا مجوّر الله عليكم جيره

إنكم تعودون عن الحربي

( وكان الدويش رجال حكيم ) والله يارجال ٍ

أسقاه الله بحامي القيض , والله لين نويناه بشر إن

نصير حنا الطــّـمع , وهو يعوّد هو وربعه 0


الصييفي تنطح الضعينه من قدام , ويجعل الله أول

المذبوح فرسه أو هي ذلوله وهو منيع ( عبيدالله إبن

نحيت ) وياخذهم إبن نحيت ولا يسلم إلا اللي

عتقت به ذلوله أو فرسه , ويوم جاء الليل ويعقر

لهم ناقة

من حلالهم , وقال : يالصييفي بحق الجيره اللي مضت

لنا وبحق مالك من علوم تطلق وجهك بسابق الوقت

هذي ذلول لك أنت فقط إما بقية سبيع مأخوذين ,

وتلحق ربعك أنت وخوياك

عند ذلك قال ــــ فهيــــد الصييفي السبيعي ــــ











يـــوم إعتلـيـنـا نـابـيـات النسـانـيـس=مــا قـادنـا مــع يـمّـة الـرشـد قـــادي
غرنا على البل في خشـوم الطعاميـس=وثـرنـا عـجـاج صخيـفـات الـتــوادي
وأقفوا على البـل كاسبيـن النواميـس=غلـبـا هــل النـومـاس عـلـم ٍ وكــادي
ولحقوا بني سالـم عصـاة ٍ مـلا بيـس=مـثـل الجـمـال الصـايـجـة بـالـهـدادي
وأركــوا عليـنـا حامـيـات المقـابـيـس=ليـن الصعـب مـنـا نـشـب بالـشـدادي
وردّيت شقراء وأول الجيش كد حيس=يوم إن (إبـن نحيـت ) بإسمـه ينـادي
غـزيّـة ٍ صـــارت علـيـنـا عـواكـيـس=وغلب السوالم من ورى الغلـب زادي
نبغـى الطّمـع منـهـم وجيـنـا مفالـيـس=نمشـي علـى الرجليـن بقـران حــادي




هذا ما يحضرني من القصيدة وأعتقد أنها أطول من

ذلك

[سامي الحربي]

لاهنت اخوى ابن القبيلة على التوضيح اكثر

ننتظرك بقصص حرب المشرفه يالغالي

[نوافـــ الحربي]

يعطيك العافيه ابن القبيله على التعقيب ولكن المرجع للقصه والقصيده كتاب القصص والاشعار الشهيره لنخبة من شعرا الجزيره وباالنسبه للقصيده مختلفه لكن الرواة كثيرون وسرد القصة يختلف ايضا لكن الخطا يقع على المؤلف حبيت اوضح ذلك فقط:::::

[ابن مرغي]

الف عافية للغالي نواف والغالي ابن القبيلة

[حامد بن دهيكل]

الاخ نواف الطريسي
قصة وقصيده جميله
ونحن بنتظار جديدك

[*نــ Nawaf ــواف*]

الاخ نواف الطريسي لاهنت يالغالي

وبيض الله وجهك

والشكر موصول لابن القبيله على مداخلته وايضاحه

بارك الله في الجميع

[نوافـــ الحربي]

يعطيكم العافيه على مروركم
سامي
خالد
زارع
حامد بن دهيكل
ابن لقبيله
ابن مرغي
نواف

[نايف المغامسي]

نواف الطريسي

مشكور على طرح هذه القصه والقصيده

[فهد الحربي]

الاخ نواف الطريسي

والاخ ابن القبيلة

بارك الله فيكم

ومشكورين على حفض افعال القبيله

نتمنى المزيد من قصص القبيله بارك الله فيكم

[نوافـــ الحربي]

الاخ نايف المغامسي
الاخ فهد الحربي
سعيد بمروركم وبكلماتكم المعطره وياهلا

[وليد الحنيني]

لا هنت على القصة وبيض الله وجهك

[البرق]

اشكر نواف الطريسي وكذالك ابن القبيلة على التوضيح ولكم جزيل الشكر.

[دخيل الزنيوط]

بيض الله وجهك اخوي نواف الطريسي على هذا ه القصه الحلو ه وبرضه غزوا على بني عمر وكسروهم بني عمر وذبحواعلي الازمع و فدغوش ابن شويه شكراً
لك وتحياتي

[دخيل الزنيوط]

بيض وجه نواف الطريسي وبيض الله وجه ابن القبيله وكل ماطالت السنين على القصه كلما ضعفت وعلى كلان مشكورين

[دخيل الزنيوط]

بيض الله وجه نواف وبيض الله وجه ابن القبيله على اثبا تهم للقصه ولا اختلاف بسيط
تحياتي للجميع