رائعة للشاعر سلطان الطريسي ...

[جبل ورقان]

[فقط الأعضاء المسجلين والمفعلين يمكنهم رؤية الوصلات]



الـردي مامـن وراه الا الرديـه=مانجـي يمـه ولا يقـدر يجينـا

عرفته خيبـه وتقديـره زريـه=لويمـد ايديـه كفيـنـا يديـنـا

نكرم ايدينا عن النفـس الدنيـه=الدنيـه فـي وطنهـا ماربيـنـا

وان زعل يظرب ابراسه في طميه=ماحسبنالـه ولايـثـر عليـنـا

عارفين الحر من فـرخ الحديـه=لابليـنـا بالحـديـه لابليـنـا

نكرم اهل الطيب واهل الشاذليـه=وعندنا تقلط علا سمن اوسمينـا

ماحسبنا غيـر لرجـال الحميـه=نكسب العليـا وبلفعـل اعتلينـا

مـن مزيانـا الفظيلـه والنقيـه=الخـوي انعاملـه كنـه حدينـا

الدخيـل ابيوتنـا دونـه ذريـه=تحتميه اوجيهنـا مـع والدينـا

وجارنـا فالديـن والا الجاهليـه=مايظام اليـا زهمنـا واعتزينـا

ظيفنـا يلقـا تراحيـب اوتحيـه=ميزتـن مخلوقتـن منـا وفينـا

سيرت الاجـداد بالاحفـاد حيـه=ماتغيـر باقيـه مهمـا بقيـنـا

ماتزمنـا فيـه نعطيـه افظليـه=نذبـح الحايـل نظـد المعتدينـا

نرخص الارواح من دون الوصيه=ماخظعنـا للمهونـه وانحنيـنـا

ولانهاب الموت وحيـاظ المنيـه=ان دعتنا المعركه للحرب جينـا

يوم قب الخيل واركوب المطيـه=ان غزينا مـا خسرنـا كاسبينـا

ادفعـو مـا دفعونـا بالجزيـه=بالله الرحمـن وحـده ميقنيـنـا

لين جاء حكم ال سعود الصيرميه=كاسبين الطيب في دنيـا ودينـا


الشاعر : سلطان عوض الطريسي الحربي




عسى أن تكون قد إرتقت إلي أذواقكم





تحيتي لكل من مر من هنا

[ابن هديبان]

الله يعطيك العافيه ياعويض ومشكور

وتسلم يالذيب

[سامي الحربي]

يستاهل شاعر النخبة بالتؤفيق

[نوافـــ الحربي]

قصيده ممتازه وغنيه بالمفردات الطيبه وفيها من الحكمه الجيده اتمنا من الله لك التوفيق والسداد والسلاام عليكم ورحمته الله وبركاته

[طلال الحربي]

عويض العوفي



مشكور اخوي على طرحك هالقصيده الجميلة


تقبل مروري وتقديري