خالد الخضراني
09-15-2007, 03:01 PM
الشاعر / حمد بن محمد المخلفي شاعر مبدع وله حضور في الساحه الشعريه نتمنى له التوفيق وهذي بعض من قصايده ..
تل قلبي تـل قيـر السبرمانـي
سايقه عاشق وشاف اللي كونه
شاف شوقه شاف وضاح الثماني
قدم جول من العـذارى يتبعنـه
ناظرت له نظرة فيهـا حنانـي
ثم صـدت والعـذارى حقرنـه
قال ليه الزين عـدى مادعانـي
وارتفع ضغطه وثور فيـه جنـه
وش سبايب صدة سهيل اليماني
من يجيب العلم والأخبـار عنـه
قال مابه غير خشم الأحمرانـي
طيـر جـو والقطـا ماعانقنـه
جمسي اللي لا نخيته ماعصاني
يوم بعض الناس صنع العذر فنه
دق سلفه وانتهض مثل الحصاني
ماسمع في دقتـه قعـه وحنـه
عشق الأول وثالـث دون ثانـي
وارتفع صوته وهوباتـه شكنـه
يوم داس البنص واقلع في ثواني
والتوايـر للمزفلـت حفـرنـه
وصله للي تواصيفـه حسانـي
شوقه اللي وصفها بالقرب جنـه
قال ليه تصد ياشمعـة زمانـي
مادريت ان الجفا ياصعب كنـه
قالت شوقك ياحمد ماهو بانانـي
وحبكم بالعيـن جاراتـي قرنـه
خايفه عليك من حسد الغوانـي
وانتبه قلبك يغيـر بـي مظنـه
أنت شوقي وأنت حبي والأماني
وأنت بس اللي عيوني ناظرنـه
( ديباج )
ياماحلا في ساعة الضيـق مسهـاج
فـي سهلـة مافيـه حـي وطاهـا
من الـورود منقشـه تقـل ديبـاج
تجلى عـن النفـس العليلـه عناهـا
ما حددت بحفوت ورسـوم وسيـاج
وراع الغنم من خلقتـه مـا رعاهـا
ممطورة بالوسم مـن غيـث ثجـاج
مشـى الشغايـا والخبـاري ملاهـا
ارض خلا من دون ضجه ولا ازعاج
الا ام سالـم شاديـه فـي غنـاهـا
تلقى الحباري تجتول فـرد وافـواج
وراع الولع كـل المشاغـل نساهـا
تقضي نهارك داخل الـروض دواج
بين الخزامى اللـي تفـوح بشذاهـا
تكز وضحـا لونهـا بـارق العـاج
حتـى ولا برغـش بوقتـه قنـاهـا
والشمس لا هفت وسارت بـالادراج
شبيـت نـار تصتلـي مـن سناهـا
تحت النجوم بدون لمبـات وسـراج
وقلطت صفرا معتنـي فـي سواهـا
كيف الرجال اللـي يحلـون بالتـاج
قياصـرة نجـد وحامـيـن مـاهـا
متخلص مـن كـل حاسـد وهـراج
اللي لحـوم النـاس باثمـه كلاهـا
حلو الكلام وقلبه اسود مـن الصـاج
وليا بـدت لـك حاجـة ماقضاهـا
هذا هوى قلبـي وكيفـي ومااحتـاج
ومناي جعل النفـس تاصـل مناهـا
( موااااااااال)
يا هاتفي جريت بالصـوت مـوال
قـاف ن بنيتـه والمـوارد رويـه
لا ني بمتغزل بمن لبسـت الشـال
أم الخـدود الناعـمـات النـديـه
اللي إليا مرت مع البيـض تختـال
غريافـة فـازت بطـلـه بهـيـه
ولا ني بطالب حاجة من هل المـال
ولا أبغى أتوسط بالنفوس الرديـه
الحمد لله حالتـي بأطيـب الحـال
مبسـوط وأدي واجـب الله عليـه
أسج لا من ضاق صدري مع سهال
اطـرد بكـاري ذيـك وأرد ذيــه
أصيح لنياقـي وأهوبـل تهوبـال
وليا زعجت الصوت جنـي سريـة
أشوش كني بالوغى وصف خيـال
سمع الصياح ولا حسـب للمنيـة
شهم شجاع معرب الجـد والخـال
مجناه من روس الهضـاب العليـة
تنخاه بنـت تنهمـه بيـن الأزوال
تعـرف فعولـه ليبسـن الشفيـه
وسل املح ما يشبعه غير الأبطـال
ولعيونهـا لـوح بظهـر العبـيـه
وقبل شعاع الشمس ينذر بمرسـال
فـي عبلـة خضـراء ودار خليـه
أشب ناري وأقـدح البـن بـدلال
واضبط على كيفي هوى الشاذليـه
بنيت قافي مدح فـي طيـب الفـال
الشاعر اللي مسنـد القـاف ليـه
حييت يالي شوفته تشـرح البـال
وتنبت سهال القلب لو هي سنيـة
وافـي ودايـم للمراقيـب نــزال
مراقـب الطـولات لوهـي نحيـه
لك في رياض القلب يالقرم مدهـال
ولك منـزل عالـي ولـك مقدريـة
والوقت مهما شان والبعد لو طـال
مايقطـع حبـال الوصـال القويـة
وترى الرجال ألوان وأطوال وإشكال
لكـن معادنهـم عليـنـا خفـيـه
ماكل من حط الشنب صـار رجـال
ولا كـل تاجـر يستطيـع العطيـة
ولا كل من حـط المغاتيـر جمـال
ولا كل حـي سـد بغيـاب حيـه
دنيا تخلي صاحـب العقـل يهتـال
متقلبـه مابيـن صبـح وعشيـه
فيها ارتفع رقم المؤشـر للأنـذال
وفيها انخفض طبع الشرف والحميه
فيها انقلاب وميل في كل الأحـوال
ولا عاد به راعي ولا بـه رعيـه
راع الرديه صار مضـرب للأمثـال
كل يبـي قربـه ويصبـح خويـه
وراع العلوم الطيبة زيـح للجـال
بليـة ياكبـرهـا مــن بلـيـة
وختامهـا منـي تحيـات وإجـلال
وصـلاة لمحمـد رسـول البريـة
قصيدة أخرى للشاعر حمد المخلفي ( الجسار )
قصيدة ( ابو عايض)
يابو عايض يارفيقي على طول السهول
صاحب ما أبغى بديله ولا لا وألـف لا
ذاخرك في وقت يظهر مكامين الزحول
للمواقيـف الصعيبـه تنـادي ياهـلا
وش كلامك في علوم بعالمنـا تجـول
حيرتنا بيـن فهـم البـراءة والـولا
القضية شايكة والبـلا مامـن حلـول
والظلام اللي تغشى عليها مـا أنجـلا
كل يوم تزود والعاقل أصبح في ذهول
وسقفها يالله دخيلـك تعلـى واعتلـى
والجمال اليوم عجزن على نقل الحمول
الحمول ثقال وشيالـة الحمـل جهـلا
درهم المقهور والذود في ساق الرحول
طبعت يادافع الضر فـي طبـع البـلا
تتبع الغادي وتمشي على درب ميـول
ساليـه لكـن راع الركايـب ماسـلا
في طريق ألا نهايه وتجميـد العقـول
مثل من ضيع طريقة وهو بأرض خلا
قصة العشاق للـي برجيلهـا حجـول
تبهر العاشق بنظـره ومافيهـا حـلا
ياعجوز ذا هب عمرها شمطا جهـول
تسحر قلوب دخلها مـن الـذل دخـلا
من تبعها ماعرف مطلعه قبل الدخـول
ضاع في دوامة العالـم اللـي ماخـلا
قبل ترميه بشبكها لها طـرف خجـول
تنهصر له في غناجه ويحسبهـا غـلا
لين تكتف يدينـه وتطربهـا الطبـول
والزمان اللي صفاله تمظحل وأمحـلا
قام يتغدى زبادي ويفطر حـق فـول
ونوب يمسي عليه الليل جايع ما كـلا
ذي نهاية عاشق الظلم نجمه للأفـول
تمتلي عينـه ظليمـه وقلبـه ماجـلا
قصيدة ( يا عاذلين القلب )
ياعاذلين القلـب فـي سجاتـه
يم الرجوم اللي سلـى راقيهـا
خلوه يسلى عن زمـان غابـر
وقت نوايـا الغـدر مايبديهـا
يـا ماتجاهلنـا علـوم جتنـا
هـاذي نبررهـا وذي نرفيهـا
وحده نقـول العذرفيهايمشـي
غلطة رفيق والخطـا غاشيهـا
والثانيه لو هـي كبـر طميـه
واجب نسامح لو قصد راميهـا
واجب رفيقي دامنـي رافقتـه
خطيته لا جاتني مـا اجزيهـا
الله حسيبه والوفا مـن طبعـي
خصله وابوي العود مسقينيهـا
الله يغفـر زلـتـه ويبيـحـه
وعساه بالجنـه منعـم فيهـا
قـد قالـي دنيـاك لا تامنهـا
لابـد مايرتـج مـاء صافيهـا
دنياكفى الله شرهـا ماتصفـي
متشابـه سراقهـا لحاميـهـا
فيها حوادث تبهـر المتصفـح
تبين لو كـان الدهـر يخفيهـا
ياسامع قولـي طلبتـك حاجـه
فهم القصيـده دامنـي باديهـا
دقق بمعناها ووش ترمـز لـه
هدية مـن خاطـري مهديهـا
دنياك حاذرها لاتعمـي شوفـك
ترى حياتـك موتهـا قافيهـا
احذر يغـرك مالـك المتزايـد
وتظن خلق الله سلع تشريهـا
الناس مختلفه سلـوم ومعـدن
لكن نفـس الرجـل مايدنيهـا
الكبر لو صابـك تـراه اهانـه
تنذل وحقوق العـرب تهفيهـا
صفه ذميمه قـول والا معنـى
تقلب حياتـك فوقهـا واطيهـا
تبقى لحالك والهمـوم تلوفـك
وتشك بأيـة سالفـه توحيهـا
تظنهـا يمـك تحـاك ولاجلـك
لو كان جلباب النقـا كاسيهـا
دايم تصدق هرجة فـي ربعـك
غاوي ونفسك بالغوى مغويهـا
ربعك عضودك باحتماي الموقف
وترى الرجال عدودها ترويهـا
لا تنخدع في كلمـة المتزلـف
خبيث نفس وبالقفـا مشقيهـا
يفرح ليا شافـك بليـا ربعـه
مبسوط فاز وغايتـه قاضيهـا
وده تعيش بـذل بيـن العالـم
ما هو صديق وذلتـك ناويهـا
واختامها ياسامعيـن الجابـه
صلوا على اللي دعوته معليهـا
محمد المختار خيـر الصفـوه
عدالحصى سبحان من يحصيها
قصيدة (الخوي )
لاجتك زلـة مـن رفيـق تـوده
رفيقـك اللـي ماتعـدد مزايـاه
رفيقك اللي تقصده وقـت شـده
وتنحل لامن شفت طلـة محيـاه
بينـك وبينـه خـوة مستجـده
متجول في قلبك أدنـاه وأقصـاه
حبل الوصل بينك وبينـه يمـده
يمك يسوقه قلب وتشيله خطـاه
نفسه يطمنها ولـو فيـه حـده
لجل الرفيق يكـب شـي تمنـاه
مايتركك فـي سهلـة مجرهـده
طيب وهذا طيب ساس ومجنـاه
صقر ينومس بالقنص من يهـده
وافي شبـور وطيبـات نوايـاه
احذر خطاه لغيـر نفسـك تعـده
وأحذر يجي غيره ويجلس بمركاه
ادمح له الزلـة وحـذرا تضـده
ودور على عذر يعـذره وتلقـاه
لاتشيل نفسـك والجبـل لاتهـده
وأحذر تكون اللي نقل داه بـرداه
باب الجفا لافـك عجـل بسـده
وابليس لا أبلس بالقطاعه تحداه
أوصل رفيقك عاتبه فـي مـوده
وبين له اللي حس بك من خطاياه
وأحذر مجالس راكبيـن الأشـده
أشدة الغيبـة رجـال المحابـاه
أهل النكد وأهل الوجيه المصـده
قوم على نقل السوالف مضـراه
رجالهـم دايـم معشـي بـبـده
عزاه ياللي غير الـدرب عـزاه
ماينفعـه طيـب مسويـه جـده
لاصار خايب مايسـوي سوايـاه
والقـاف الأول يارفيقـي نـرده
رفيقك الطيب من الصعب تجفـاه
لاجتك زلـه مـن رفيـق تـوده
أحذر تنكر لـه وبالشـر تجـزاه
وصلاة ربي عـد منهـو يـوده
على النبي اللي على الدين نقفاه
قصيدة أخرى لشاعر حمد المخلفي
ياادريس شب النار وارك الدلالـي
ليـن الـدلال بكيفهـن يسكرنـي
ثم صب فجنال ترى الرأس خالـي
ظن الهجـوس اللافيـه يذهبنـي
كنت احسبني من عنا الوقت سالي
يالين شفت اللي خذا العقل منـي
غرو حبـاه الله بملـح وجمالـي
وعليه نجلـن بالهـوي صوبنـي
زوله كما عـود يجيبـه ميالـي
وليل غشى متونه نجومه سرنـي
وزود على حسنه زهى بالدلالـي
طبايع بـه يـا عـرب يذهلنـي
الشر جنبه خيـر والمـر حالـي
ماغيره بسجـن المحبـه سجنـي
جاني خياله يـوم نومـي هنالـي
طيـوف خلـي بالمنـام هجدنـي
ونويت ابسأل من تناسى وصالـي
دامه قبالـي والمشاعـر رجنـي
وفزيت مثل اللي به الجال مالـي
والشوق في وسط الضلوع امتحني
اثـره لفانـي بالمنـام بخيالـي
خل خذنـه سـود الايـام عنـي
والا مكانـه بالمعاليـق عـالـي
ومن صدته حدب الضلوع اقنبنـي
راح وتركني في زمانـي لحالـي
لا والله الا خيـب اليـوم ظنـي
قصيدة اخرى
((( ياللي تبسم )))
ياللـي تبسـم لا تزيـد ابتسامـك
سببت لي بالعقل رجـه وتشويـش
بنظرات عينك دون لا اسمع كلامك
تعبر حدود القلب من دون تفتيـش
ترمي على غرتك دامـس ظلامـك
والقلب في درب الهوى خفت الريش
الزين زين الشام والشـام شامـك
وغير الحلا اللي فيك بالكون مافيش
عن باسقات الجيد يفـرق مقامـك
ويغير منـك منقضـات العكاريـش
وحسن الدلال اللي لجا فيك ظامـك
دايم تبسم لـو همومـك مراهيـش
ياناعـم الخـديـن بالله عـلامـك
وشلون تقدر تجذب العين بشويـش
سحرك عجيب وسحر غيرك غرامك
من عام في بحرك غدى كالدراويش
ارحم عليل بـاع غيـرك و عامـك
مشاعره من غير وصلك معاطيـش
مااقدر على بعدك ولا اقدر ملامـك
ومن غيركم بالحب ماليش ماليـش
هذا مرامـي ليـت مثلـي مرامـك
اعيش حبك وانت في حبي تعيـش
وبنتضار المزيد من قصائده الرائعه
تل قلبي تـل قيـر السبرمانـي
سايقه عاشق وشاف اللي كونه
شاف شوقه شاف وضاح الثماني
قدم جول من العـذارى يتبعنـه
ناظرت له نظرة فيهـا حنانـي
ثم صـدت والعـذارى حقرنـه
قال ليه الزين عـدى مادعانـي
وارتفع ضغطه وثور فيـه جنـه
وش سبايب صدة سهيل اليماني
من يجيب العلم والأخبـار عنـه
قال مابه غير خشم الأحمرانـي
طيـر جـو والقطـا ماعانقنـه
جمسي اللي لا نخيته ماعصاني
يوم بعض الناس صنع العذر فنه
دق سلفه وانتهض مثل الحصاني
ماسمع في دقتـه قعـه وحنـه
عشق الأول وثالـث دون ثانـي
وارتفع صوته وهوباتـه شكنـه
يوم داس البنص واقلع في ثواني
والتوايـر للمزفلـت حفـرنـه
وصله للي تواصيفـه حسانـي
شوقه اللي وصفها بالقرب جنـه
قال ليه تصد ياشمعـة زمانـي
مادريت ان الجفا ياصعب كنـه
قالت شوقك ياحمد ماهو بانانـي
وحبكم بالعيـن جاراتـي قرنـه
خايفه عليك من حسد الغوانـي
وانتبه قلبك يغيـر بـي مظنـه
أنت شوقي وأنت حبي والأماني
وأنت بس اللي عيوني ناظرنـه
( ديباج )
ياماحلا في ساعة الضيـق مسهـاج
فـي سهلـة مافيـه حـي وطاهـا
من الـورود منقشـه تقـل ديبـاج
تجلى عـن النفـس العليلـه عناهـا
ما حددت بحفوت ورسـوم وسيـاج
وراع الغنم من خلقتـه مـا رعاهـا
ممطورة بالوسم مـن غيـث ثجـاج
مشـى الشغايـا والخبـاري ملاهـا
ارض خلا من دون ضجه ولا ازعاج
الا ام سالـم شاديـه فـي غنـاهـا
تلقى الحباري تجتول فـرد وافـواج
وراع الولع كـل المشاغـل نساهـا
تقضي نهارك داخل الـروض دواج
بين الخزامى اللـي تفـوح بشذاهـا
تكز وضحـا لونهـا بـارق العـاج
حتـى ولا برغـش بوقتـه قنـاهـا
والشمس لا هفت وسارت بـالادراج
شبيـت نـار تصتلـي مـن سناهـا
تحت النجوم بدون لمبـات وسـراج
وقلطت صفرا معتنـي فـي سواهـا
كيف الرجال اللـي يحلـون بالتـاج
قياصـرة نجـد وحامـيـن مـاهـا
متخلص مـن كـل حاسـد وهـراج
اللي لحـوم النـاس باثمـه كلاهـا
حلو الكلام وقلبه اسود مـن الصـاج
وليا بـدت لـك حاجـة ماقضاهـا
هذا هوى قلبـي وكيفـي ومااحتـاج
ومناي جعل النفـس تاصـل مناهـا
( موااااااااال)
يا هاتفي جريت بالصـوت مـوال
قـاف ن بنيتـه والمـوارد رويـه
لا ني بمتغزل بمن لبسـت الشـال
أم الخـدود الناعـمـات النـديـه
اللي إليا مرت مع البيـض تختـال
غريافـة فـازت بطـلـه بهـيـه
ولا ني بطالب حاجة من هل المـال
ولا أبغى أتوسط بالنفوس الرديـه
الحمد لله حالتـي بأطيـب الحـال
مبسـوط وأدي واجـب الله عليـه
أسج لا من ضاق صدري مع سهال
اطـرد بكـاري ذيـك وأرد ذيــه
أصيح لنياقـي وأهوبـل تهوبـال
وليا زعجت الصوت جنـي سريـة
أشوش كني بالوغى وصف خيـال
سمع الصياح ولا حسـب للمنيـة
شهم شجاع معرب الجـد والخـال
مجناه من روس الهضـاب العليـة
تنخاه بنـت تنهمـه بيـن الأزوال
تعـرف فعولـه ليبسـن الشفيـه
وسل املح ما يشبعه غير الأبطـال
ولعيونهـا لـوح بظهـر العبـيـه
وقبل شعاع الشمس ينذر بمرسـال
فـي عبلـة خضـراء ودار خليـه
أشب ناري وأقـدح البـن بـدلال
واضبط على كيفي هوى الشاذليـه
بنيت قافي مدح فـي طيـب الفـال
الشاعر اللي مسنـد القـاف ليـه
حييت يالي شوفته تشـرح البـال
وتنبت سهال القلب لو هي سنيـة
وافـي ودايـم للمراقيـب نــزال
مراقـب الطـولات لوهـي نحيـه
لك في رياض القلب يالقرم مدهـال
ولك منـزل عالـي ولـك مقدريـة
والوقت مهما شان والبعد لو طـال
مايقطـع حبـال الوصـال القويـة
وترى الرجال ألوان وأطوال وإشكال
لكـن معادنهـم عليـنـا خفـيـه
ماكل من حط الشنب صـار رجـال
ولا كـل تاجـر يستطيـع العطيـة
ولا كل من حـط المغاتيـر جمـال
ولا كل حـي سـد بغيـاب حيـه
دنيا تخلي صاحـب العقـل يهتـال
متقلبـه مابيـن صبـح وعشيـه
فيها ارتفع رقم المؤشـر للأنـذال
وفيها انخفض طبع الشرف والحميه
فيها انقلاب وميل في كل الأحـوال
ولا عاد به راعي ولا بـه رعيـه
راع الرديه صار مضـرب للأمثـال
كل يبـي قربـه ويصبـح خويـه
وراع العلوم الطيبة زيـح للجـال
بليـة ياكبـرهـا مــن بلـيـة
وختامهـا منـي تحيـات وإجـلال
وصـلاة لمحمـد رسـول البريـة
قصيدة أخرى للشاعر حمد المخلفي ( الجسار )
قصيدة ( ابو عايض)
يابو عايض يارفيقي على طول السهول
صاحب ما أبغى بديله ولا لا وألـف لا
ذاخرك في وقت يظهر مكامين الزحول
للمواقيـف الصعيبـه تنـادي ياهـلا
وش كلامك في علوم بعالمنـا تجـول
حيرتنا بيـن فهـم البـراءة والـولا
القضية شايكة والبـلا مامـن حلـول
والظلام اللي تغشى عليها مـا أنجـلا
كل يوم تزود والعاقل أصبح في ذهول
وسقفها يالله دخيلـك تعلـى واعتلـى
والجمال اليوم عجزن على نقل الحمول
الحمول ثقال وشيالـة الحمـل جهـلا
درهم المقهور والذود في ساق الرحول
طبعت يادافع الضر فـي طبـع البـلا
تتبع الغادي وتمشي على درب ميـول
ساليـه لكـن راع الركايـب ماسـلا
في طريق ألا نهايه وتجميـد العقـول
مثل من ضيع طريقة وهو بأرض خلا
قصة العشاق للـي برجيلهـا حجـول
تبهر العاشق بنظـره ومافيهـا حـلا
ياعجوز ذا هب عمرها شمطا جهـول
تسحر قلوب دخلها مـن الـذل دخـلا
من تبعها ماعرف مطلعه قبل الدخـول
ضاع في دوامة العالـم اللـي ماخـلا
قبل ترميه بشبكها لها طـرف خجـول
تنهصر له في غناجه ويحسبهـا غـلا
لين تكتف يدينـه وتطربهـا الطبـول
والزمان اللي صفاله تمظحل وأمحـلا
قام يتغدى زبادي ويفطر حـق فـول
ونوب يمسي عليه الليل جايع ما كـلا
ذي نهاية عاشق الظلم نجمه للأفـول
تمتلي عينـه ظليمـه وقلبـه ماجـلا
قصيدة ( يا عاذلين القلب )
ياعاذلين القلـب فـي سجاتـه
يم الرجوم اللي سلـى راقيهـا
خلوه يسلى عن زمـان غابـر
وقت نوايـا الغـدر مايبديهـا
يـا ماتجاهلنـا علـوم جتنـا
هـاذي نبررهـا وذي نرفيهـا
وحده نقـول العذرفيهايمشـي
غلطة رفيق والخطـا غاشيهـا
والثانيه لو هـي كبـر طميـه
واجب نسامح لو قصد راميهـا
واجب رفيقي دامنـي رافقتـه
خطيته لا جاتني مـا اجزيهـا
الله حسيبه والوفا مـن طبعـي
خصله وابوي العود مسقينيهـا
الله يغفـر زلـتـه ويبيـحـه
وعساه بالجنـه منعـم فيهـا
قـد قالـي دنيـاك لا تامنهـا
لابـد مايرتـج مـاء صافيهـا
دنياكفى الله شرهـا ماتصفـي
متشابـه سراقهـا لحاميـهـا
فيها حوادث تبهـر المتصفـح
تبين لو كـان الدهـر يخفيهـا
ياسامع قولـي طلبتـك حاجـه
فهم القصيـده دامنـي باديهـا
دقق بمعناها ووش ترمـز لـه
هدية مـن خاطـري مهديهـا
دنياك حاذرها لاتعمـي شوفـك
ترى حياتـك موتهـا قافيهـا
احذر يغـرك مالـك المتزايـد
وتظن خلق الله سلع تشريهـا
الناس مختلفه سلـوم ومعـدن
لكن نفـس الرجـل مايدنيهـا
الكبر لو صابـك تـراه اهانـه
تنذل وحقوق العـرب تهفيهـا
صفه ذميمه قـول والا معنـى
تقلب حياتـك فوقهـا واطيهـا
تبقى لحالك والهمـوم تلوفـك
وتشك بأيـة سالفـه توحيهـا
تظنهـا يمـك تحـاك ولاجلـك
لو كان جلباب النقـا كاسيهـا
دايم تصدق هرجة فـي ربعـك
غاوي ونفسك بالغوى مغويهـا
ربعك عضودك باحتماي الموقف
وترى الرجال عدودها ترويهـا
لا تنخدع في كلمـة المتزلـف
خبيث نفس وبالقفـا مشقيهـا
يفرح ليا شافـك بليـا ربعـه
مبسوط فاز وغايتـه قاضيهـا
وده تعيش بـذل بيـن العالـم
ما هو صديق وذلتـك ناويهـا
واختامها ياسامعيـن الجابـه
صلوا على اللي دعوته معليهـا
محمد المختار خيـر الصفـوه
عدالحصى سبحان من يحصيها
قصيدة (الخوي )
لاجتك زلـة مـن رفيـق تـوده
رفيقـك اللـي ماتعـدد مزايـاه
رفيقك اللي تقصده وقـت شـده
وتنحل لامن شفت طلـة محيـاه
بينـك وبينـه خـوة مستجـده
متجول في قلبك أدنـاه وأقصـاه
حبل الوصل بينك وبينـه يمـده
يمك يسوقه قلب وتشيله خطـاه
نفسه يطمنها ولـو فيـه حـده
لجل الرفيق يكـب شـي تمنـاه
مايتركك فـي سهلـة مجرهـده
طيب وهذا طيب ساس ومجنـاه
صقر ينومس بالقنص من يهـده
وافي شبـور وطيبـات نوايـاه
احذر خطاه لغيـر نفسـك تعـده
وأحذر يجي غيره ويجلس بمركاه
ادمح له الزلـة وحـذرا تضـده
ودور على عذر يعـذره وتلقـاه
لاتشيل نفسـك والجبـل لاتهـده
وأحذر تكون اللي نقل داه بـرداه
باب الجفا لافـك عجـل بسـده
وابليس لا أبلس بالقطاعه تحداه
أوصل رفيقك عاتبه فـي مـوده
وبين له اللي حس بك من خطاياه
وأحذر مجالس راكبيـن الأشـده
أشدة الغيبـة رجـال المحابـاه
أهل النكد وأهل الوجيه المصـده
قوم على نقل السوالف مضـراه
رجالهـم دايـم معشـي بـبـده
عزاه ياللي غير الـدرب عـزاه
ماينفعـه طيـب مسويـه جـده
لاصار خايب مايسـوي سوايـاه
والقـاف الأول يارفيقـي نـرده
رفيقك الطيب من الصعب تجفـاه
لاجتك زلـه مـن رفيـق تـوده
أحذر تنكر لـه وبالشـر تجـزاه
وصلاة ربي عـد منهـو يـوده
على النبي اللي على الدين نقفاه
قصيدة أخرى لشاعر حمد المخلفي
ياادريس شب النار وارك الدلالـي
ليـن الـدلال بكيفهـن يسكرنـي
ثم صب فجنال ترى الرأس خالـي
ظن الهجـوس اللافيـه يذهبنـي
كنت احسبني من عنا الوقت سالي
يالين شفت اللي خذا العقل منـي
غرو حبـاه الله بملـح وجمالـي
وعليه نجلـن بالهـوي صوبنـي
زوله كما عـود يجيبـه ميالـي
وليل غشى متونه نجومه سرنـي
وزود على حسنه زهى بالدلالـي
طبايع بـه يـا عـرب يذهلنـي
الشر جنبه خيـر والمـر حالـي
ماغيره بسجـن المحبـه سجنـي
جاني خياله يـوم نومـي هنالـي
طيـوف خلـي بالمنـام هجدنـي
ونويت ابسأل من تناسى وصالـي
دامه قبالـي والمشاعـر رجنـي
وفزيت مثل اللي به الجال مالـي
والشوق في وسط الضلوع امتحني
اثـره لفانـي بالمنـام بخيالـي
خل خذنـه سـود الايـام عنـي
والا مكانـه بالمعاليـق عـالـي
ومن صدته حدب الضلوع اقنبنـي
راح وتركني في زمانـي لحالـي
لا والله الا خيـب اليـوم ظنـي
قصيدة اخرى
((( ياللي تبسم )))
ياللـي تبسـم لا تزيـد ابتسامـك
سببت لي بالعقل رجـه وتشويـش
بنظرات عينك دون لا اسمع كلامك
تعبر حدود القلب من دون تفتيـش
ترمي على غرتك دامـس ظلامـك
والقلب في درب الهوى خفت الريش
الزين زين الشام والشـام شامـك
وغير الحلا اللي فيك بالكون مافيش
عن باسقات الجيد يفـرق مقامـك
ويغير منـك منقضـات العكاريـش
وحسن الدلال اللي لجا فيك ظامـك
دايم تبسم لـو همومـك مراهيـش
ياناعـم الخـديـن بالله عـلامـك
وشلون تقدر تجذب العين بشويـش
سحرك عجيب وسحر غيرك غرامك
من عام في بحرك غدى كالدراويش
ارحم عليل بـاع غيـرك و عامـك
مشاعره من غير وصلك معاطيـش
مااقدر على بعدك ولا اقدر ملامـك
ومن غيركم بالحب ماليش ماليـش
هذا مرامـي ليـت مثلـي مرامـك
اعيش حبك وانت في حبي تعيـش
وبنتضار المزيد من قصائده الرائعه