ديوآن الشآعر الكبير / محمد بن عبدالله العسيلي

[عبدالله الغرابي]

تم الحمدللهـ افتتآح ديوآن الشاعر المعروف ( محمد عبدالله العسيلي الحربي ) رحمهـ اللهـ رحمةً وآسعهـ ..

ومحمد بن عبد الله بن فراج العسيلي الحربي من المراوين من بني سالم من مواليد1360هـ
التحق بالخدمه العسكريه وانحال على التقاعد سنة 1412هـ

و أنتقل الى رحمة الله يوم الاربعاء 26/1/1425 إثر حادث مروري على طريق القصيم

المدينه السريع ودفن في محافظة رياض الخبراء

أسماه الامير الشاعر / محمد بن أحمد السديري رحمه الله بشاعر قبيلة حرب ..

ولقبه بعض الشعراء بشاعر المواقف اوالقضايا ولقبه بعض الشعراء بمحامي قبيلة حرب

وقد كان رحمه الله مفاخراً للقبيله والتصدي لمن اراد الاساءه لها

وهو من أشهر الشعراء في قبيله حرب


وهذهـ القصيدة يرثي بها نفسه مشيرًا فيها إلى أن هذه الدنيّا مصيرها ومآلها للزوال ويتحدث فيها

عن الموت واليوم الآخر ويطلب من الله عز وجل المغفرة والرحمة والقبول الحسن

وحسن الخاتمة ..

غفر الله له واسكنه فسيح جناته ..


يقول رحمه اللهـ ..





الناس ناموا وانـا العبـرات اجاذبهـا=جذب الدلي من معين وردها إحيامـي

بيديـن بــدو مشافـيـح تناهبـهـا=في نقضت الجزو والماء وردة إزحامي

اشوف وانكـر مـن الدنيـا مذاهبهـا=تضرب بنا امواجها في بحرها الطامي

ياكثـر روعاتهـا وقسـوة تقلبـهـا=وما طاب فيها من الأحـوال مادامـي

اللي من أول اركوبه فـوق غاربهـا=ماحصل اردوفها والمشـي درهامـي

تستدرج اهل الأمانـي فـي مكاسبهـا=لكن هيهات تصـدق فيهـا أحلامـي

ومن صدق الريـح واعيونـه يكذبهـا=كنه يقـارن غبـاه بفرصـة الرامـي

تمـر الأيــام ماكـنـي مجربـهـا=من تضحكه يوم يبكي باقـي العامـي

يالله يالله تكـفـيـنـا نشـايـبـهـا=ياواحد عن قضايـا الخلـق مانامـي

ياعالـم غيـب نفـسـي لاتعذبـهـا=وتجعل لها حجة من نـور الإسلامـي

نفس ما باقي لها إلا شـوف طالبهـا=والموعـد المنتظـر تدنيـه الإيامـي

لنـا مواعـيـد مانـقـدر إنجنبـهـا=توقيتها محكـم فـي وقتـه إحكامـي

تـرم المنايـا ولاتخطـي مضاربهـا=من صوبته سهوم المـوت ماقامـي

ساعة حيـات إليـا وقفـة عقاربهـا=الروح تصعد ويبقى جرحـي الدامـي

والمـوت ماتصلـح ارواح يخربهـا=ابا أترك الزوج و الأطفـال الأيتامـي

يالوعة النفـس مـن فرقـا حبايبهـا=ومن طول فرقا تعثـر فيهـا أقدامـي

لابـد مـن رحلـة مايعـود غايبهـا=وعن الحقايق تواري كـل الأوهامـي

معـي الوثايـق مختـمـة قوالبـهـا=وأخاف من نقطـة التفتيـش قدامـي

في مفترق طـرق ياكافـي مصايبهـا=احد الطريقين واحـد منهـن إلزامـي

اما مع أهـل اليميـن وعـز جانبهـا=ولا مع أهل الشمال وشرهـا الحامـي

رحماك رحمـاك يامـذري هبايبهـا=يا وامر المسلمين بوصـل الأرحامـي

دعـوة طريـح الخطايـا لاتخيبهـا=انا ضعيف الوسايل والهـدف سامـي

إليا وردت النفس ناضبـة مشاربهـا=يالله من شربة تقطـع ظمـا الظامـي

واجيرنا من الجحيـم وحـر لاهبهـا=وانت الذي من لجا بحماك ما يضامي

[عبدالله الغرابي]

إتكالي على محيي البلاد المحيلة=وكل عون ماهو عونه بالشك زايل
والخواطر توارد والمهمه جليلة=واهل النقد كل له عيون تخايل
وكل شاعر على معناه ينضح صميله=الله انه يجنبنا خطا كل قايل
علمتنا التجارب والحياه الطويله=ومن يعيش الحياة يشوف فيها الهوايل
لكن اليوم له معنى وغاية حصيلة=يوم عبدالعزيز اقبل يحث الرحايل
انهضي يا عزايم واصدقي يا وسيله=واهتفي يا مشاعر واكبري يا مثايل
المثايل تعشق اهل الصفات الاصيله=مثلك انته يابن ماجد كريم الشمايل
حي ابو هالفصيلة من ذيك الفصيله=من سميك على محياك بعض الخصايل
والمخيله مسده والمطر بالمخيله=وانت من ماضي التاريخ تملك دلايل
بين جدك وابوك وبين راع الكحيلة=بك شموخ الملوك وفيك مجد الحمايل
نيابة عن قبايل حرب وشيخ القبيلة=سالم اللي ورثها من الجدود الاوائل
شيخنا ابن نحيت ولا ندور بديله=من سلالة اهل الحيزا حماة الدبايل
شيخ حرب القديم اللي الرسايل تجيله=شاهد له على ماضيه ما قال نايل
وباسم فيصل ولد بندر حريب الرذيله=وباسم عز السعود وباسم روس القبايل
باسم اهالي القصيم وكل صاحب فضيله=من حدود الرياض الى مشاريف حايل
حي عبدالعزيز بمنطقتنا الجميله=منطقتنا جميله وخدّمتها الوسايل
كنها اللي مقام حفلها بالف ليلة=في بهاء عزها تنشر طويل الجدايل
تعتزي باسم فيصل وابن عمه عمه زميله=الحفيدين لمعزي نجيب السلايل
ياخو مشعل تكاليف الامانه ثقيله=والامل فيك معقود على راس طايل
انتبه للضعيف اللي يعوقه شليله=وانتبه للوسايط وانتبه للتحايل
وانتبه للامور اللي بها شبه ميله=قبل يفتح لها في غيبة العدل فايل
والركود افسد الماء اللي قراح نزيله=وبعض الاشياء صلاح احوالها بالبدايل
ومن يبي يرضي العالم يبذون حيله=الرضا غاية ما حصلوها الاوايل
لكن الحزم لعلاج القضايا وسيلة=والنّصف مطلب حثّت عليه الرسايل
وانتم اهل العدالة والسيوف الصقيلة=وانتم اهل الفرايض وانتم اهل النفايل
وانتم اللي لنا مثل الشجرة الظليلة=عن صقيع الجليد وعن هجير القوايل
وانتم اللي اليا جات لقضايا المهيلة=تكسبون المواقف بالحجج والفعايل
كل دعوى على يديكم ماهي مستحيلة=كم لكم صفقة يصحي بها راس عايل
اذكرونا اليا بار العميل بعميله=وابشرو بالوفا وجمع عطيب الهوايل
والله انا ما ندر عن طلبكم فتيله=اليا دعى داعي الواجي وجاءت الصمايل
وما نشأ ناشي واضفى على نجد سيله=ذكر من للحوائج يسأله كل سايل

[عبدالله الغرابي]

قصيده .. عن الرفاقه اللي تغلف ( النصيحه بالشماته ).





؛؛ البـارحـه كـــل آكـثــر الـلـيـل مـابــت
بــس أجتـلـد مـثـل مـتَـحَـرْ الـهـواتـي ؛؛
؛؛ يامـا علـى الـكـوع أستـنـدت وتنـهّـت
مـن هـم ن أحـرق مهجتـي ياشفـاتـي ؛؛
؛؛ هــم ن تمثـنـى مهجـتـي فـتّـهـا فـــت
وآصـبـر جـلـد وآعالـجـه باالسـكـاتـي ؛؛
؛؛ يامـا علـى جـوره صـبـرت وتجـلّـدت=مـن شـآن لاتـفـرح عليـنـا الوشـاتـي ؛؛
؛؛ ولو صارت الدنيا على غيـر مـاآردت=شـدّيـت فــي درب الفضـيـلـه قـنـاتـي ؛؛
؛؛ وإن كـان صاحـب رفقتـي بتّـهـا بــت=تـفـداه لــو ان الطـمـع فـــي عـبـاتـي ؛؛
؛؛ لـيـا صــار هـــذا مطـلـبـه مـاتــرددت=أقـفـيـت لـــو يّـمــه كـثـيـر إلـتـفـاتـي ؛؛
؛؛ جزا الصدود صدود وان عادلي عدت=وعمّـا يريـب النفـس عيـنـي مـراتـي ؛؛
؛؛ يـامـا ويـامـا لــه دمـحــت وتـــوددت=أبــيــه ذخــــر أيــامــي الـمـقـبـلاتـي ؛؛
؛؛ واليـوم عـن رجـوى حسانيـه هـوّدت=وباالقـبـر مـاهـو زايــد ن بحسَـنـاتـي ؛؛
؛؛ وش خانـة ادموعـه علـيّـه لـيـا مــت=مـــادام مــايــدرا مـشـاعــر حـيـاتــي ؛؛
؛؛ خضر الورق ماآسقاه غصنه ليا حـت=لــو عـرقـه مـشّـرع بـشـط الـفـراتـي ؛؛
؛؛ ومـادام عـن صـدق القطيعـه تـوكّـدت=مـانـي عـلـى دربــه مـجــددّ حـفـاتـي ؛؛
؛؛ خلّه يشوف احسان بعـدي ليـا ابعـدت=الـبـعـد راحـــه وآحـتــرام ن لــذاتــي ؛؛
؛؛ راحـة ضميـر وبيـع ستيـن فـي سـت=اخيـر مــن رفـقـة صـديـق الشمـاتـي ؛؛
؛؛ الـلـي يلاحقـنـي مـلامـه لـيــا جـــدت=تقـل يـبـي يـفـرض عـلـيْ الوصـاتـي ؛؛
؛؛ ماآدري يشوف اني على سمعته زدت=ولا بـعــد كَـبــرَت بـعـيـنـه شــواتــي ؛؛
؛؛ وانــا مــلاذي مــن بحبـلـه تـجــوّدت=الـواحـد الـلـي لــه دعــاي وصـلاتـي ؛؛
؛؛ الـلـي عـلـى جــوده نمـيـت وتـعـوّدت=ويــوم الـجـزا يـقـدر يجـمّـع شـتـاتـي ؛؛
؛؛ آســآلــه الـغـفــران عــمّــا تـعـمّــدت=والعفـو عــن ذنــب ن فعلـتـه فـواتـي ؛؛

[عبدالله الغرابي]

قصيدة موجهه من .. الامير \ محمد الاحمد السديري .. للعسيلي ..







اهلا عدد ما مال ريح بنبنوب= من خاطر هرج الردا ماهذابه
أحلى من السلسال في صافي الكوب = وألذ من نقع المطر من ربابه
من خاطر يشفق على كل محبوب= ويجعل رفيقه دون كل القرابة
يكن له ماكن يوسف ليعقوب= ويحمى قفاه بحضربه مع غيابه
ويذريه ما يشكي عنا كل لا هوب= ويزيد له بالطيب عن ماهقى به
العمر من دونه رخيص ومجلوب =ولا يستمع بهروج حي حكى به
نفتح له صدور تذرا ورى جيوب= وعن ما يعيب منزهين شنابه
يا ابن العسيلي مابكم كل معيوب= حاشا ولا في طيبكم مايعابه
لكم على الجودا محاريف ودروب = وراسين مثل المعتلي من هضابه
ودياركم حامينها بكل مسلوب= وياما دخلتوا دونها من حرابة
وياما نثرتوا دونها الدم مسكوب= أروى لعطشان الثرى من ترابه
ياهل السبايا اللي لها الأصل منتوب= معمقات من عصور الصحابة
سلايل من فوقها حرب لحروب = دايم على الردات عوج رقابه
وإن جاء نهار مشعل الحرب مشبوب = فأنتم على الطوعات مثل الذيابة
نعم بكم والسيف مشهر ومقضوب= إن حل بأطراف الجهامة ضبابة
أعني بني سالم ومسروح ووهوب= ما اقولها بأهل الردى والخيابة
وادي الرمة من ولبكم صار مهيوب =بروس البلنزا مبعدين رحابه
وليا غزوا يمه غزاة لقوا شوب= وطبوا على بحر تلاطم غبابه
الطيب لأهل الطيب يذكر ومنسوب = وكل على طوله يفصل ثيابه
والناس في دنياك غالب ومغلوب= وكل على شفه يوجه ركابه
واللي من أفعال الردا فيه شاذوب = هذاك كساب الخناء في شبابه
اختر رفيق بالقسا يقضي النوب = وابعد عن المنزوع قل لا هلا به















رد الشاعر على .. الامير .. \محمد الاحمد السديري ..







قال العسيلـي وان بـدا راس مشـذوب=مـرقــاب حـــرك مابـضـمـيـري وجــابــه
وبديت باسـم الله عـن الكـل مطلـوب=سايـق همالـيـل المـطـر مــن سحـابـه
وابديـت مافـي خاطـري يمـه وصــوب=من خاطـر جـاش وجهـش كـل مابـه
اهـــلا هـــلا ترحـيـبـةٍ تـقـضـي الـنــوب=تـرحـيـبـة الـمـشـفـق بــرؤيــة غـيــابــه
تحـيـة مـثـل العـسـل صـافــي الـــذوب=والــذ مــن نـقــع الـمـطـر فـــي شـرابــه
بـرسـالــةٍ كــلــف بــهــا لــــي مــنــدوب=مــن اعــز مخـلـوقٍ وصـلـنـي جـوابــه
مــن السّـديـري مـاركــم فـيــه مـكـتـوب=عبـارت تطلـق وجـه مـن هــو كتـابـه
كــتـــاب تـمـلـيـتـه وقــرّيــتــه حــــــروب=واشهـدتـهـم واقــــع خــطــاه وصــوابــه
لاشـــك ماحـصّـلـت بـالـخـط عـــذروب=مافـيـه مـوضـوع عـــن الـزّيــن شـابــه
كــلامــه الـطّـيــب قــفــل كــــل دالــــوب=جـمـيــع دالــــوبٍ عــنــه صــــك بــابــه
واجــاب عـلــى كـــل مـاكــان مـطـلـوب=فــهـــم ســؤالـــي واعـتــنــى بـالاجــابــه
اجـابــةٍ تـفـتـح لـهــا صـــدور وقـلــوب=وتـغـلـق لـهــا ابـــواب علـيـهـا رقــابــه
سلم وغنم مـن قـام فـي كـل ماجـوب=وجـاب الكـلام اللـي حسبـنـا حسـابـه
محـمـد فــداك مــن الـمــلا كـــل زاروب=الـلــي صـلاحــه مــــا يــعــادل خــرابــه
حـقّـك علـيّـه مانـسـب العـلـم مقـلـوب=وحقّـي عليـك الصّـدق فـي كـل جابـه
لــو كــل عـلــم يـــم حـاكـيـه مـنـسـوب=وتـرجـع مناقـيـده عـلـى الـلـي حكـابـه
لاشك احب الصدق والصدق مرغوب=عنـد الرجـال اهــل الـشـرف والمهـابـه
واصاحب اللي صحبته مابها عيوب=واجـفـى الجـنـاب الـلـي يمـلّـه جـنـابـه
واجـنّـب الـلـي كــل ماحتجـتـه يـــذوب=ويـــروح ضـحـضـاحٍ تـلاشــى ســرابــه
تـذهــب مـواعـيــده مـواعـيــد عــرقــوب=ادراج ريـــــــح الله يــخــيّـــب شــبــابـــه
وللي لبس لـي بالصداقـه ميّـة ثـوب=مـاهــو صــديــق ولا هـبـابــي هـبـابــه
هــذا كــلام الـلـي بــدا راس مـشــذوب=راس الـطّـويــل الــــي تـقـطــع ســرابــه

[عبدالله الغرابي]

قصيده .. موجهه لمحبي ( المجامله ) ..




قالو تجـــامــل قلـــت مـانـي بملـزوم=اجــامل نـفـوس (ن) تقــل رفــقـة طـيور
هــذا يــطــير وذاك مايــقــدر يـحـوم= وهــذا لو انه صـار لـــه ريـش مثـبـور
احـراج نـفس(ن) يرفض اطباعها الظوم=حـرام والـدنيـا بهـا الحــق منصــور
هــذا نــفـاق الـعـصـر خافــيه مذموم=والله لعـن فــيـمن لـعن شــاهـد الزور
الـيا لاوحـت سمنا ورفعنا بها السوم=كــم ســلـعـة(ن) عــن بيعـها لدها الشور
خــص(ن) الــيا مــرت نياشــينــها نجوم=وفيــها العــيون الصاحيه كنها عـور
مــن عــنجــهي نــافــخ(ن) نـفــسه الـزوم=مـــورا لـــه الــدنيا على راسـه ادور
عــلــى الطــنا خــله من المجلس يقوم=مـاهـو حــرام وخاطــره منك مكسور
اليا اغظيت عنه اليوم تظهر لك علوم=باكر تشوف العوج ترسل لك اسبور
وطــيــب المــجامــل لو تكلفت مايدوم=لابــــد مــن يــومن بـــه الحـبـل مــبتور
وصــداقــه(ن) هالون تنبـــاع بالـكوم=بيـع الحـراج الي عسى سوقــه يــبور
وعن غلطـت الجاهل والادنين اباشوم=واذخـر بهم من شيـمة الناس مذخور
واعاشــر الطــيــب لــو انـه مـن القوم=الا الــيا منــه نـــوى شــقـحت السور
لـلـنـاس دون حـقـوقـها عـرف وسلوم=يــمـشـي بـهـا من تبصر عيونه النور
ولانـمـشـي المجـهـول والـدرب معلوم=كيف الخطا من منتظـر نفـحة الصور
والــبحــر ماهــومـه وانـا ماقدر أعوم=ولانــي عــلى زيارة شواطـيه مجبور
الله خــلــق دنــيــا"بــهـا فجوج احزوم=وصـــحــاري)(ن) يسـكن بها الكون ويثور
امشــي بــها طــولــي بعــيد عن اللؤم=حــر المــزاج ولاتـــغاظــيت عن جور
لاخــــاذلن طيـــب ولامـــادح رخـــوم*=ولامـجامــل نفوس شياطــيـنها حضور
والـــحــر لــه شــيمه عن مخالط البوم=فـــطـــرة كـــيــان وكــل مخلوق مفطور

[عبدالله الغرابي]

قصيدهـ غزليهـ ..




ياللـي تعاتبنـي وتكثـر شكـاويـك=بالله تسكـت لا تحـرك اشجـونـي
انتـه تعاتبنـي وانـا اقـول لبيـك=من خوف حسـاد العـرب يفرحونـي
يا صاحبي يوم اني اقفـي ولا اجيـك=اخاف مـن نـاس عليـك حسدونـي
من اللي عرض لك يا حبيبي وانا ابيك=عسى تعرض لـه مـرود الجنونـي
قلبـي علـى سـر المحبـه يناجيـك=وش لون ابا صبر مالصبري حتونـي
لا تحسب اني يـوم جنبـت جافيـك=جفاي مـن نـاس جفـوك وجفونـي
لو انـت ناسينـي فلانـي بناسيـك=ترقـد وانـا باليـل تسهـر عيونـي
يا صاحبي والله ما ابيعك ولا هديـك=لا والـذي خلـى العـرب يألفونـي
يفز قلبي كـل مـا وحيـت طاريـك=وأهل العلـوم العـوج مـا غيرونـي
اللي حكوا لك يا حبيبـي حكـو فيـك=مع ظلمهـم لـك يالحبيـب ظلمونـي
لكـن لا صـارت تغيـر طـواريـك=مالـي ومالـك يـا كثيـر الظنونـي
لا صرت تسمع حكيهم مـن يصافيـك=تكشف خفـا للنـاس مـا يسترونـي
حرام تغضبني وانـا قبـل اراضيـك=الغش ما يرضـاه مـن لـه عيونـي
والله لونـك تملـك الـروح بيديـك=ما خلـي النفـس الشريفـه تهونـي
انهج وانا بـاروح والهـرج يكفيـك=وناس حكـوا لـك خلهـم ينفعونـي
من اول حفظت العهد كله غـلا فيـك=واليوم عقـب العهـد خلـك تهونـي
بقت العهد وارجي مـن الله يجازيـك=وجـزاك منـي بالجفـا والغبونـي..

[سيد الامنيات]

الله يبارك فيكم ونعم منكم اخوكم بو عبدالله الحربي من العراق