شيلة ياوجودي وجد من ضاقت به الارض الوسيعه

[سلطان حرب]

اسعد الله اوقاتكم بكل خير واتمنى ان تنال اعجابكم


شيلة بعنوان : ياوجودي



كلمات الشاعر : منصور الريــاحي


واداء المميز : ابــو ناااااايف



ياوجودي وجد من ضاقت به الارض الوسيعه
ضايق(ن) صدره وقلبه كل نبضاته سريعـه

ضاربه هم المفارق يـوم ضرباتـه شنيعـه
والحقيقه كل هم يهون مـع هـم الفراقـي

وآعذاب الفكر مـن خلـي ليامنـه طرالـي
استعيد الذاكـرة واذكـر جميـلات الليالـي

ياغناتـي يامناتـي ياحيـاتـي ياحـلالـي
هم فرقاكم علـى قلـب المولـع مايطاقـي

في غيابك أحسب الساعات وأعـد الثوانـي
وأتظاهر بالفـرح وأقـول عفـوآ يازمانـي

لاتعذبني وانا بلشان مـع حظـي وأعانـي
من هموم(ن) غربلتني ولابقى للصبر باقـي

كل ماقلنا إنتهى همن يجـي همـن بدالـه
صار قلبي للهموم الجايـره مثـل المحالـه

لامحاله من همومي في زمانـي لامحالـه
كن في قلب العنا حربن مثل حرب العراقـي

لي غلاة(ن) حبها فالقلب يبني له صروحـي
إحكمت قلبي وحبي واحكمت عقلي وروحـي

بالوفاء والحب والتقدير مع قلب(ن) سموحي
وبالغلا والتضحيه في حبها باسلـوب راقـي

مارضيت بغيرها من ناعسـات الطـرف لله
بالحسن تبقى الوحيده لو ألف الكـون كلـه

فاضله ماساومو فيها على غـلاف المجلـه
بنت شيخ(ن) تعتزي به عزوته يوم التلاقـي

نطلبك ياعالـم الاحـوال فـراج الكروبـي
تفرج الضيقات من صدر(ن) هواجيسه تلوبي

لوب الأوراق الخفيفه من معاصير الهبوبـي
لافته وانلاف معها خـارج حـدود النطاقـي



للتحميل :::



[فقط الأعضاء المسجلين والمفعلين يمكنهم رؤية الوصلات]





سلطان حرب