قصيدة الشاعر بد بن عواد الحويفي الحربي

[ابن مرغي]

الشاعر بد بن عواد الحويفي الحربي من الشعار البارزين على مستوى الخليج العربي

شاعر ابدع له اسلوبه الفذ شاعر يحب الطير والقنص حتى انه كتب كثير من القصائد عن الطير والقنص والربيع والبر



اللـي فقدنـا مـن نبـات ونواويـرماهو على المولى صعيـب رجوعـه
الله مـن قلـب هجوسـه طوابـيـرميعادهـن بيـن العتيـم وهجـوعـه
قالـوا تفكـر قلـت عنـدي تفاكيـرأشوف شـئ مـن خطانـا وقوعـه
قلـت الحقيقـة يالوجيـه المسافيـرقلبـي ليـان وشـاف شـئ يروعـه
شفت الجفاف مكسر القشـع تكسيـروالنفس ماهي من قضاء الله جزوعـه
وادي الرمة جوه عجـاج ومعاصيـريبسـت جراجيبـه وماتـت قشوعـه
حمضه عليه مـن السوافـي عثاميـريا بعـث الأمـوات تبعـث جذوعـه
مدهـل مجاهيـم تــلاد ومغاتـيـروحمـر مرابيهـا هدايـد افـروعـه
يـوم الوسـوم تنثـر الوسـم تنثيـروالعشـب ينبـت ماتكامـل اسبوعـه
ويوم القلوب نظـاف مايقـف الخيـريطيـح وسـم ولا تقـطـع تبـوعـه
واليوم وبل الغيـث مثـل الطباشيـرقامـت تلـوث بالمنـاقـع انقـوعـه
الشكـوى لله صـار بالجـو تغييـردايـم كتـام وغيـر الجـو نـوعـه
واصل الخطا منـا تهـاون وتقصيـرقليـل مـن يحسـن لربـه ركوعـه
نشقى ورى الدنيا وهي مابهـا خيـروالمـوت يدنـي للنفـوس البشوعـه
وعنـد المحاسـب ماتفيـد المعاذيـرينشف جما العاصي وتطفي شموعـه
واللي غناته سحـت ومـوال تزويـرلـه ساعـة مـاذاق حلـوه يزوعـه
يـدري بهـا لـودعـوه الحفافـيـروالقبر ضكه مـع محانـي ضلوعـه
فـي ساعـة مابـه تقـدم وتأخـيـريفقد بها الرحـال مجالـس ربوعـه
وعن ماعمـل مالـه مفـر ومعابيـرما ينفعـه جمعـه وهيبـة جموعـه
قدامـه الجنـة وقدمـه زمهـريـروالله يعلـم ويـن يكتـب نجـوعـه
يـارب تهدينـا علـى حسـن تدبيـرنطلب عظيم الشان خوفـه وطوعـه
يالله يــارازق عــوج المناقـيـرياكافـل رزق النـفـوس القنـوعـه
يامـن بتقديـره تـكـون المقـاديـرياسمـع الداعـي وخالـق سموعـه
تزيـل شـدات السنيـن المعاسـيـريامن لـك المسلـم يوجـه خشوعـه
تمدنـا يـارب رحـمـه وتيسـيـرغيـث يعـم المملكـة فـي نفوعـه
يارب من قل المطـر نشفـت البيـرنشف الثرى والدرع ماتـت زروعـه
ومات الخشاش وضاق في عشه الطيريشكي علـى رب السمـوات جوعـه
والبـل مصارفهـا نخالـه وشعيـرواحوارها بالشبـك تـذرف دموعـه
مثل السجين يلـوح بيـن المواصيـروالا البهايـم للمـقـدر خضـوعـه
حاطت عليه اذنـوب نـاس مباصيـرحاله صخيـف وحنـة أمـه تلوعـه
ذنـب الأوادم لـه عواقـب وتأثيـروالعمـر فتـرة والحيـاة مخدوعـه
وحنـا بشـر مالله خلقنـا تصاويـرواللـي يخـاف الله يطبـق شروعـه
والله محذرنـا عـن الكـذب تحذيـروالحسـد والغيبـة وكبـر وميوعـه

[سامي الحربي]

لاهنت يابن مرغي على النقل ..

[الأشقر]

اللـي فقدنـا مـن نبـات ونواويـر = ماهو على المولى صعيـب رجوعـه
الله مـن قلـب هجوسـه طوابـيـر = ميعادهـن بيـن العتيـم وهجـوعـه
قالـوا تفكـر قلـت عنـدي تفاكيـر = أشوف شـئ مـن خطانـا وقوعـه
قلـت الحقيقـة يالوجيـه المسافيـر= قلبـي ليـان وشـاف شـئ يروعـه
شفت الجفاف مكسر القشـع تكسيـر= والنفس ماهي من قضاء الله جزوعـه
وادي الرمة جوه عجـاج ومعاصيـر = يبسـت جراجيبـه وماتـت قشوعـه
حمضه عليه مـن السوافـي عثاميـر= يا بعـث الأمـوات تبعـث جذوعـه
مدهـل مجاهيـم تــلاد ومغاتـيـروحمـر = مرابيهـا هدايـد افـروعـه
يـوم الوسـوم تنثـر الوسـم تنثيـر = والعشـب ينبـت ماتكامـل اسبوعـه
ويوم القلوب نظـاف مايقـف الخيـر= يطيـح وسـم ولا تقـطـع تبـوعـه
واليوم وبل الغيـث مثـل الطباشيـر = قامـت تلـوث بالمنـاقـع انقـوعـه
الشكـوى لله صـار بالجـو تغييـر = دايـم كتـام وغيـر الجـو نـوعـه
واصل الخطا منـا تهـاون وتقصيـر= قليـل مـن يحسـن لربـه ركوعـه
نشقى ورى الدنيا وهي مابهـا خيـر = والمـوت يدنـي للنفـوس البشوعـه
وعنـد المحاسـب ماتفيـد المعاذيـر = ينشف جما العاصي وتطفي شموعـه
واللي غناته سحـت ومـوال تزويـر = لـه ساعـة مـاذاق حلـوه يزوعـه
يـدري بهـا لـودعـوه الحفافـيـر = والقبر ضكه مـع محانـي ضلوعـه
فـي ساعـة مابـه تقـدم وتأخـيـر = يفقد بها الرحـال مجالـس ربوعـه
وعن ماعمـل مالـه مفـر ومعابيـر= ما ينفعـه جمعـه وهيبـة جموعـه
قدامـه الجنـة وقدمـه زمهـريـر= والله يعلـم ويـن يكتـب نجـوعـه
يـارب تهدينـا علـى حسـن تدبيـر= نطلب عظيم الشان خوفـه وطوعـه
يالله يــارازق عــوج المناقـيـر = ياكافـل رزق النـفـوس القنـوعـه
يامـن بتقديـره تـكـون المقـاديـر = ياسمـع الداعـي وخالـق سموعـه
تزيـل شـدات السنيـن المعاسـيـر= يامن لـك المسلـم يوجـه خشوعـه
تمدنـا يـارب رحـمـه وتيسـيـر = غيـث يعـم المملكـة فـي نفوعـه
يارب من قل المطـر نشفـت البيـر = نشف الثرى والدرع ماتـت زروعـه
ومات الخشاش وضاق في عشه الطير = يشكي علـى رب السمـوات جوعـه
والبـل مصارفهـا نخالـه وشعيـر= واحوارها بالشبـك تـذرف دموعـه
مثل السجين يلـوح بيـن المواصيـر = والا البهايـم للمـقـدر خضـوعـه
حاطت عليه اذنـوب نـاس مباصيـر= حاله صخيـف وحنـة أمـه تلوعـه
ذنـب الأوادم لـه عواقـب وتأثيـر = والعمـر فتـرة والحيـاة مخدوعـه
وحنـا بشـر مالله خلقنـا تصاويـر = واللـي يخـاف الله يطبـق شروعـه
والله محذرنـا عـن الكـذب تحذيـر = والحسـد والغيبـة وكبـر وميوعـه

الله يعطيك العافيه ابن مرعي وسمح لي على تنسيق القصيده

[خالد الخضراني]

يعطيك العافيه ابن مرغي وصح السان من قالها

وبدر الحوفي لايحتاج لتعريف و الله يوفق شعراء حرب واتمنى لهم البروز اكثر وخاصه بالاعلام المرئي .. هذا اللي اتمنى هناك شعراء كبار لكن المشكله الظهور ...
شكرا ابن مرغي / ومبروك عليك الشهر