تعالي

[محمد فهد السمران]

السلام عليكم

لك الله ماحسبت حساب منهو بالحبـل منقـاد=بعصرٍ فيه ياوقـت القشر..ياكثـر صيحاتـك
به الصالح..به الطالح...به الصاحي به الأوغاد=بـه اللـي مايفيـدك كانهـا زادت معاناتـك
تعالي وأسعدي قلبٍ مسافاتـه وطـن وأبعـاد=لعينك..ياعيوني ..كفـي اللومـه وشرهاتـك
أنا عيوني عقب غبتي عيوني عافـت المرقـاد=يقزيها مـن المرقـد وهـم حزنـك وآهاتـك
تعالي ..يانظر عيني تعالـي والبيـوت أجـداد=دخيل الله تعالي وأطربـي سمعـي بنغماتـك
أنا..لولاك..مالـي بالوطن..ياشيختـي مقعـاد=تعالي وأسمعي نبض القصيد بهمسـة أبياتـك
أنا..لولاك..لوني..ساكنٍ..في وسط شهـرزاد=ترى ماذوق لـذات الزمـن مـن دون لذاتـك
ترى..لوني فقير الجيب يانبض العرق وش عاد=أنا.. معى..الزهاب اللي يبي يحقق لك مناتـك
معي كل الغلا والحب والأشـواق والأسعـاد=معي قلبٍ ..ماينسى لو يطول الوقت حسناتـك
هجوسي كثر ماجادن عليـه والبيـوت أجـداد=تبي تقسم وتقسـم ماتهـل الدمـع نظراتـك!!

[سامي الحربي]

صح لسانك يامحمد ونشكرك على انظمامك ..

قصيدة جزله من شاعر جزل

[فهد السليمي]

صح لسانك يامحمد على هذه الرائعه

وبأنتظار جديدك

دمت بود

[خالد الخضراني]

صح السانك اخوي محمد

قصيده رائعه منك... ودمت بخير

[طلال الحربي]

صح لسانك يامحمد على هذه الرائعه

[فهد الحربي]

صح لسانك يامحمد على هذه الرائعه

وبأنتظار جديدك

[ابن هديبان]

ياسلام عليك وعلا الطاروق الكايف صح بدنك مليون