لكن تالي الوقت متغير عسى نابك خلاف بيني وبين المرشدي

[خيال الكحيله]

بسم الله الرحمن الرحيم

بعد التحيه يسرني ان اقدم مراسله بيني وبين احد زملائي هو خالد صنهات المرشدي
وفي هذه الاجازه كلامن انشغل باموره الخاصه فارسلت اليه هذا الابيات


ياسلام الله عليكم عد ماهبت هبوب النود=وعداد من صلى ببيت الله وكبر وطاف
يالصاحب الي ماتعودنا يجي منك صدود=لكن تالي الوقت متغير عسى مابك خلاف
عسى ماهو سهم مرسل من ام العيون السود=وانا رفيقك خابر(ن) قلبك على جال مهياف
والسالفه ياصاحبي مابين ناشد ومنشود=رد الخبر وليا كتبته على صدور الورق ينشاف



وبعد ارسال القصيده عن طريق الجوال بعد مده لاتزيد عن ساعه اتاني الرد واليكم الرد من خالد


الايامرحبا ياصاحبي وانت الكفو والرجال شهود=وترى الشرهه على سود اليالي واليال عجاف
الا يابن الاماره جاك شعري جوهره موجود=ومثلك لو تقدم بالجفا لا بلاه ماينعاف
قبل يومين بوسط الرياض مخاشر ابن سعود= واليوم باريس السعاده ناوي المصياف
وادورلي خوي(ن) فاليالي المضلمه معهود= وابا خوتك يابندر وعلى سود اليالي انكاف
وخذ التوضيح من شعر العتيبي ولا عليكم زود= وانا معجب بتصميم القصيده يامبدعين القاف


وسلامتكم.....

[سامي الحربي]

كفو يابندر

وصح لسان المرشدي

والله يجمعكم على خير

[خالد محمد زويد الخصيفي]

صح لسانك ولسان زميلك خالد والله لايحرمكم من بعض لك ودي وتحياتي

[خيال الكحيله]

شكرا على ردودكم

التي تزيدني شرف

شاكر ومقدر لكم جميع

[سفير الشعر]

صح لسانك يالمرشدي وانت يابندر

[سليمان الخضراني]

كفو يابندر

وصح لسان المرشدي

والله يجمعكم على خير

[حجازية]

ما أجمل الصداقة ! خاصَّة إذا دغدغتها مشاعر الأخوَّة النبيلة

أدام الله عليكما الود وحماكما أخوين . . .

[خيال الكحيله]

اخواني/ سفير الشعر وسليمان الخضراني واختي/حجازيه

تشرفني ردودكم والله يعطيكم العافيه




شاكر لقراتكم الموضوع والاستنزاف من اوقاتكم الثمينه