استفسار يا ربعي تكفون لا تخلوني

[عوض المشيعلي]

بسم الله الرحمن الرحيم


السلام عليكم ورحمة الله وبركاته


يا ربي حيهم

يالربع لي سنين فالمنتديات وكأني اول مرة ادخل منتدى تدرون ليه

تورطت وين احط هالموضوع بالعادة ما يحتاج تفكير الموضوع تعرف قسمه وين بدون ما تفكر

ولكن يمكن اول مرة استفسر بشي من هذا النوع

خضير تاسع جد عاشر جد مدري

المهم ..

كليات المجتمع اللي خارج منطقة الرياض هل تقدم مكافئات لـ طلابها اما لا ؟

<< مل من الجلسة فالبيت وخربها يبي يدرس ولا بعد برا الرياض

لأني يوم اطلع من الرياض لا بد يكون هناك مكافئة تمشي لك امروك اقل شي ملخصاتهم اللي بيغثونك فيها

فـ تكفون يا ربعي عطوني العلم او انشدوا وجيبوا لي العلوم وانا ناخيكم وادري إني ناخي لي اسياد قوم

ودعواتكم لي بالتوفيق

لأني محتاج دعواتكم هي وحدة من ثلاث ..يا ادرس.. يا ..اتوظف.. يا إني بخربها وبنحرف واصير حرامي ترى ماشي سوقهم فالرياض بعد النظام الجديد العالم قبل الساعة 12 جاهزين يقفلون محلاتهم وحبايبنا الحرامية يبدأ شغلهم بدري ولا مروقين بعد ............... ملينا قسم بالله

اعذرونا على الشطحات واعذرونا على القصور

في آمان الله

[ماجد البشري]

الاخ عوض المشيعلي

ياهلا وحياك

بالنسبة للمكافئة الشهريه لا افتيك فيها

اما قولك هي ثلاثة خيارات امامي واخر هذه الخيارات الانحراف تصير حرامي
هذه هو الغلط وانت ادع لك بالتوفيق ماهو بالانحراف

استغرب منك كل هذا والرزق بيد الرحمان ماهو واقف على عمل معين او دراسه في منطقه والاتكال على هذه المكافئه اتكل على الله سبحانه وارضي بما كتب الله لك والكثير والكثير من الاعمال التى تغنيك عن كل هذا هذا الوطن فيه الخيرات التى لا تعد والا تحصاء

الله يوفقك

[عبدالله الغرابي]

هلابك أخوي عوض ..

أتمنى لك التوفيق ..

أخوي عوض أنت تبحث عن الدراسه خارج الرياض .. طيب والكليات اللي في الرياض .. مشاء الله يسجلون فبها اللي خارج الرياض ..
أما بالنسبه للمكافأت فأنا لاأفتيك بهذا الشئ .. ولاكن أعتقد أنها ليست مستمره كل شهر .. والله أعلم ..

وأخا أخوك من حقي عليك أوجه لك النصيحه ..

الصبر .. هو مفتاح الفرج ..
وأنصحك تتوظف بإحدى الشركات وهي موفره الوظائف لديها .. حتى يتم قبولك في إحدى الكليات .. أو حتى تتوفر الوظيفه التي تميل لها ..

أتمنى لك التوفيق .أخوي ..

[عوض المشيعلي]

قالوا اصبر

قسم بالله ما دبل تسبدي إلا هالكلمة

اصبر اصبر لين متى علموني

على كبر المملكة عدد البطالة فيها نسبة ما تقارن بغيرها

يا شيخ هذا شي يخليك تكره حياتك

يا خوي ما ابي اتوظف عشان اتزوج لا بتوظف بمشي اموري حالي حال هالناس


ويا ماجد قضية إني اصير حرامي الظاهر إنها حاصله حاصله

كونكم تقولون اصبر

والله إنها فله حرامي واخرتها سجن وجالس فالسجن اكل شارب وش لك في وجع الراس والدراسة

وملفك الأخضر هذا اللي تنقله معك في كل محل حتى لامني رحت مطعم اتعشى اخذه معي


الله يزينها هذا اللي اقدر اقوله


وشاكر لكم مروركم وما قصرتم