تباشروا يوم الطهيمي ماحضر

[ابن عليثه]

هذه قصيدة الشاعر الكبير زيد مبشر الحربي
بعد ماكثر الكلام عن اسباب عدم مشاركة الطهيمي في مزاين ام رقيبه عام 1429ه


الماقف الغصاب مابـي بـه شكـر
في واجبي وان غبت يلحقنـي زرا
ان كـان ماقدمـت لغيابـي عـذر
ماينفـع الغاليـن عـذرٌ مفتـرى
سريت يافـواز والمسـرى خطـر
من خوف جرح الروح يبطي مابرى
للمهرجان اللي على عـز وفخـر
في الملتقى اللي كلنا فيـه اومـرا
على طريـق ام الجماجـم للحفـر
واللي درى قد علم الـي مـادرى
من موجز النشره وتفصيل الخبـر
عبر الفضاء لهل العواصم والقرى
ياهل الوضح تاحت لكم فرصة عمر
ونشوف من يطلع بها قمـة كـرا
تباشروا يـوم الطهيمـي ماحضـر
بالنخبـه اللـي فعلهـا رد البـرى
رد البرى فيها الطهيمي وانتصـر
ونومس قبيلة حرب والعالم تـرى
واللي ماهو بوده يموت من القهـر
لو قال ابي قدام قـال ارجـع ورى
كم واحـد حـاول ولكـن ماقـدر
ابعد عليـه مـن الثريـا للثـرى
البل ثمنها المـال والـدم الحمـر
يامن يبيع الروح لعيـون عشـرا
سفن الصحاري كنها سفن البحـر
دور مع اهل الذود ماتلقـى افقـرا
من مشعل اللي جعل عمره ماقصـر
خلا هل البل والهواميـر اخشـرا
والشكـر لله ثـم لـولاة الامــر
آلـالسعود اللـي لنـا ظـل وذرى

[مـ ـهـ ـاجرهـ]

صح لسان الشاعر... وسلمت يمينك..

تحيتي..

[خالد الخضراني]

صح السان الشاعر / زيد بن مبشر وقصيدة جزله ..

ويعطيك العافيه ابن اعليثه على نقل هذي القصيده التي تكفي ماحدث في ام ارقيبه وعدم مشاركة الطهيمي ..

قبيلة حـــرب عالي شانه ماتتزل روسه لبعض الامور التافه ..

دمتــ بود ,,

[عبدالله الغرابي]

قصيده رائعه ..
تسلم أبن عليثه ..
قصيده بالفعل رائعه جداً وهي توضح لنا ماحدث في أم رقيبه وعن عدم مشاركة الطهيمي ..
يعطيك العافيه ..
دمت بخير ..:"

[هادي الخضراني]

ابن عليثه

قصيده رائعه

الف شكر لك

[ابن عليثه]

شرفني مرورك اختي مهاجره والله يعطيك الصحه

[ابن عليثه]

يعافيك ربي اخوي خالد الخضراني
شرفتني بمرورك يالنشمي

[ابن عليثه]

عبدالله الغرابي
شرفتني بمرورك والله يعطيك الصحه يالقرم

[ابن عليثه]

هادي الخضراني
لاشكر على واجب حرب عصابة راسي
شرفني مرورك يالذيب