تـوب تـوب يابحـر

[sufana]

: <


[فقط الأعضاء المسجلين والمفعلين يمكنهم رؤية الوصلات] ([فقط الأعضاء المسجلين والمفعلين يمكنهم رؤية الوصلات])



من تراث المنطقة الشرقية


توب توب يابحر .. توب توب يابحر .. أربعه

والخامس ظهــر

تـوب تـوب يابحـر .. تـوب تـوب يابحـر .. هـات عيالنـا من البحــر

تـوب تـوب يابحــر .. تــوب تــوب يابحـر

ماتخـاف من الله يابحــر .. ماتخـاف من الله يابحـــر

يانواخذهـم لاتـصلب عليهـم .. يانواخذهــم لاتصلب عليهـم

ترى حبال الغوص قطعـت إيديهــم

تـوب تـوب يابحــر .. تــوب تــوب يابحــر

ياليتني فوق الدقـل حمـامــه .. ياليتني فوق الدقـل حمـامــه

أبشـر ياغــواص بالسـلامــه .. أبشـر ياغــواص بالسـلامـــه

ياليتني إدهينـه وأدهـن إيديهـم .. ياليتني إدهينـه وأدهـن إيديهـم

وياليتني خيمـه وأظـلـل عليهـم .. وياليتني خيمـه وأظـلـل عـليهــم



هـذي الأغنيـه يغنونهـا حريم أول قبل موعـد القفـال بحوالي ثلاثة أو أربعة أسابيع يعني ( شهـــر ) .. يعتبر يوم القفـال يوم مهـم جداََ خاصة عند الأهـالي اللي لهم عيال و رجال داخلين الغـوص ينتظرون ردتهم الديرة على أحر من الجمـــر ..

يبدون الحريم والبنات يغنون هالأغنية مثل ماذكرت قبل موعد القفال بشرط يكون عقب المغــرب ..

بحيث يتجمعون جهة السـِيف .. وتشرف على الغناء امرأة قويـة ونشيطة تتحمل المسؤولية عن جميع النساء .. أما الحريم الباقين يبدون بجمع الحطب وسعف النخل ويستخدمونهـا لأشعـال النـار .. وبعدهـا يوقفون على هيئة دائرية متحركـة وينشدون بعض الأناشيد والأهـازيج اللي أهمهـا



توب توب يابحــر ..،،


( القصد من هـالأغنيــــه )

تخويف البحـر وتأديبـه وتهـديده !!
لأنه السبب في فـراق أهلهم الذي طـال عنهـم أيام وليالي .. وفي إعتقادهـم إن بجيتهم للبحر وتخويفه بيرجّع أهلهم لهـم !! سالمين غانمين بالولو والخيـــر محمليــن ..

( سبب حملهم سعف النخيـل المشتعــل )

سبب طريـف ويدعو للغرابة والإستغراب !! هالسبب يخليهم يطلعون اللي في صدورهم وقلوبهم من مشاعر جياشة وعاطفة وفراق وغيرة .. حيث إعتادوا على ضرب البحر وحرقه وكيه بالنـار .. علشان يحس باللوعة والفراق اللي يحسون فيه !!

[فقط الأعضاء المسجلين والمفعلين يمكنهم رؤية الوصلات]


"



sufana

[مــ بلا عـنوان ــسافر]

يعطيك العافيه اختي


على الطرح ..!!

لكن هذه الاغنيه لشيعه

اهل المنطقه الشرقيه

ايام زمان ..!!

[sufana]

: <

أخي الكريم مجنووونها

اللي اعرفه ان اهل البحر ايام زمان كانوا هم الشيعة ( علشان كذا يسمونهم بحارنة ) وكانوا ابدا ما يجوعون حتى سنين القحط و الجفاف لان خير البحر متواصل و كان غيرهم من البدو و اهل البر و الدواب لما ينحبس عليهم المطر يجوعون يروحون لهم و يشتغلون معهم في الصيد و خذوا منهم عادات و تقاليد فممكن تكون من ضمنها هالاغنية لكن الاكيد انها اغنية لكل البحارين سواء كانوا شيعة او سنة و بكل دول الخليج و هي منتشرة بالبحرين و قطر و الكويت و الامارات و يحسبونها من تراثهم الاصيل



مجنووونها تسلم على مرورك و اضافتك




"



sufana

[نبض المشاعر]

يعطيك العافية اوخيتي

وجاري التحميل

من زمان ادور عليها

[sufana]

: <

سعيدة بمرورك اختي نبض
و لكن يبدو ان الاغنية فيها مقطع يختلف عن النص المكتوب"



sufana

[ملاك الصمت]

جزاك الله خير
يعطيك العافية

[sufana]

: <

ملاك الصمت سعيدة أنا بمرورك



"



sufana