تخيلـوا لـو الحريـم بيسـوقـن ***

[بنت المدينه]

تخيلـوا لـو الحريـم بيسـوقـن *** ونلقالهن في كل شـارع طرايـف

تلقا العجايـز فالشـوارع يـدورن *** وسيارة الاسعاف ترقـب حتايـف

وليـا تأخرنـا دقايـق يصيـحـن *** ثم اركبن فـوق المواتـر ولايـف

وقامت تكبسلـك بالانـوار ياهـن *** بين اخوياك وصرت محرج وخايف

وتخيلـوا لـو ذات يومـاً يمـرن *** عليك دوريـات والجمـس طايـف

ويوم اطرحوه يصير موقفك محزن *** تلقا العجـوز مكلبشـه ياحسايـف

وتلقا البني في كـل جلسـه يتكـن *** طقة بلوت ومعهن الكيـف كايـف

هذي تبا تحكم وهـذي تبـا تصـن *** والبيت ضايع دون طبخ وغرايـف

ياللي ذنوبك فـوق راسـك يحنـن *** اللـي فقلبـك طلعتـه الشفـايـف

انظارنا من فوق فكـرك يشوحـن *** ونشوف شـيٍ ماتشوفـه ياهايـف

حق المره! ياشيخ تلعب على من؟ *** خبلان حنا! والا ويش انت شايـف ؟

وين انت عن صوت الارامل ينوحن *** وين انت عن حق المره فالوظايف

وين انت عن جملة بناتٍ يضيعـن *** وين انت ياراع العلـوم النصايـف

لوهي بيديكـم كـان قلتـوا يغنـن *** لكن صدمتـوا فالجبـال النوايـف

من دونهـن حنـا وفقلوبنـا هـن *** الطاهـرات الساجـدات العفاايـف

والمسئله لاصـار لحقـة شرفهـن *** يروح فيها يـا آل زلفـه طوايـف

هذا كلامي واسمعه زيـن واذعـن *** قلته ولانـي مـن تواليـه خايـف

قلته واباقف وارفع الصوت واعلـن *** ارادة الامـه علـى لسـان نايـف

ماهـو تخلـف لارفضنـا يسوقـن *** راس التخلف لاتركنـا العطايـف


نايف بن عرويل العتيبي


ملاحظه000الكلمات اللي باللون الازرق ماهو معناها؟--------------------------------------------------------------------------------

[سلطان السليمي]

الأخت بنت المدينة قصيدة جميلة وناقله أجمل

أما بالنسبة لمعاني الكلمات


حتايف : من الحتف وهو الموت

يا هن : كلمة هن لحاله تعني شي ما أو شخص ما مثل كلمة البلية والفيد ... الخ والياء للنداء يعني (( يا هيه ))

هاذي تبا تحكم وهاذي تبا صن : صن وليس تصن وهي اسم بعض أوراق البالوت واسمائها حسب العلامه

أتمنى أن أكون وفقت لتوضيح المطلوب


تقبلي احترامي

[عرووب]

بنت المدينة


قصيدة متميزة

صح لسان شاعرها

وسلمت يمينك يالغالية

[سامي الحربي]

بنت المدينة الله يعطيك العافيه على النقل .

والاخ سلطان قام بالواجب من خلال استفساراتك ..

دمتى بكل خير ..

[تفاصيل]

هههههههههههههههههههههههههههه

وليـا تأخرنـا دقايـق يصيـحـن *** ثم اركبن فـوق المواتـر ولايـف

هههههههههههههههههه<<فرحانه قالوا أسمها بالقصيده

خلوني أسوق والله ما افحط ولا أقطع أشارات

وما أتأخر تسع بالليل وانا محضره بالبيت

وما أسوي اعمال شغب وما أسرع <<خلاص لا تبكين ههههه


بس ابسووووووووووووق


بنت المديــــنه

صح لسانك ولسان الشاعر نايف بن عرويل مع انه معارض بس قصيدته رائعه

وسلمت يمينك على هالنقل

[مــ بلا عـنوان ــسافر]

يعطيك العافيه اختي على النقل ..!!

وصح للســان شاعرها..؟

ولايف انا شخصيآ لاأؤيد سواقة المرأه

والمرأه ليس لها الا تربيت ابنائها والاعتناء بمنزلها وزجها

مودتي

[ابن مرغي]

جميل من الغالية بنت المدينة

[بنت المدينه]

الأخت بنت المدينة قصيدة جميلة وناقله أجمل

أما بالنسبة لمعاني الكلمات


حتايف : من الحتف وهو الموت

يا هن : كلمة هن لحاله تعني شي ما أو شخص ما مثل كلمة البلية والفيد ... الخ والياء للنداء يعني (( يا هيه ))

هاذي تبا تحكم وهاذي تبا صن : صن وليس تصن وهي اسم بعض أوراق البالوت واسمائها حسب العلامه

أتمنى أن أكون وفقت لتوضيح المطلوب


تقبلي احترامي

اخي سـلطان

الله يعافيك

ووفقت لتوضيح المطلوب


الله يسلمك

[بنت المدينه]

عرووب

الله يسلمك

الله يعافيك اختي,,,

[بنت المدينه]

اخي سامي الحربي

الله يعافيك

بارك الله فيك,,,,

[بنت المدينه]

اختي ولايف

الله يعافيك

اعتقد له حق الشاعر يعارض

خلينا مرتاحين كدا احلى,....

[بنت المدينه]

اخي مجنونها

الله يعافيك

وبارك الله فيك

وبالفعل القياده ماتليق بالمرأه,,,

وطبعا كل واحد بكيفه,,,

[بنت المدينه]

اخي ابن مرغي

الله يعافيك