البرق
06-29-2008, 09:11 PM
السلام عليكم ورحمة الله
frame="9 80"]نبذه عن الشاعر:غير متوفر
يأمير يا شين الخطـأ منـك شينـاه=ياخوفتـي عقلـك هكاليـوم غايـب
يومٍ مثلـك تزعـل النـاس عوجـاه=رجّال عرف ومن حمولـه وشايـب
لاجاهلٍ غي الجهـل فيـه وأغـواه=ولامسردٍ من كل الاطـراف خايـب
أنتـه تقـول القيـل وتجيـد معنـاه=شالك هوى نفسك على غير صايـب
لاكـان حنّـا مـن تعدى أنتحـداه=من دون واجبنـا نجيـد الصوايـب
ياشايبٍ غي الجهـل تـوّ مـا جـاه=يبى يعيـب النـاس والعـود عايـب
يا ضريغط اللي شـال همـه بدنيـاه=ياذيـب بيـن معكرشـات الذوايـب
إن كـان عنـدك للفعايـل امجـازاه=حربٍ عمامك يـوم مـسّ الجنايـب
غصبٍ عليك وصامـل العلـم تلقـاه=ان طاب لك وإلا على غيـر طايـب
أبـوك معطينـا الأخـاوه بيمـنـاه=لـولا الأخـاوه راح مالـه نهايـب
يامـن سواليفـه توسّـخ شفـايـاه=ذيب العلوم ولا ذكـر لـك حرايـب
طوبى مقرّ اللي ولى الحكم وأرسـاه=يامآ رسى واليـوم حـدر النصايـب
ورّث حبيب الشعـب عقـب تـولاه=فيصل على كبد العـدو سـمٍ ذايـب
بظلال أخو نوره مشى الذيب والشـاه=خلّى الغنم والذيب تمشـي صحايـب
وخلاّك يالنمـرود تمشـي بحسنـاه=وتحط بالشعب السعـودي عصايـب
والله يالو يدري عن العلـم وأقصـاه=مالك شفاعـة لـو تشفّعـت تايـب
مغترّ فيـك الله علـى الخيـر يقـداه=وش عرّفه لك عند مطلـق حلايـب
ماشاف نـزلٍ لـك يـدق الحونـداه=بمعيلـه مثـل الخـزز واللعـايـب
نـزلٍ نشوفـه والمخاليـق تـدهـاه=نـزل البـلاوي كلهـا والمصايـب
عن روس خلق الله وأنـا أبـراي للاه=عن ناس ترعى في طرفكـم حبايـب
لو فيك خير ووجهك الشيـن ينكـاه=ماتعتـرض لمكمّلـيـن النـوايـب
وأولاد وايل عـن سوالفـك مغنـاه=ماهـم بعـوزك يامـدوّه زرايــب
قطعانهم عشب الخطر غصب ترعاه=ترعاه أباعرهـم لـو الـدم رايـب
وحربٍ قواطيعٍ على الخيـل وأرمـاه=عوق الزعيـم مـورّدة كـل هايـب
وشريدة الفرسـان وشلـون تنسـاه=وشلون تنسى يـا طويـل الخبايـب
اللي على شيـل الجماهـي مضـرّاه=يمنـاه والفسقـان سيـف العطايـب
وابن نحيت اللـي نهـار المثـاراه=كم كبـد حـيٍّ شـب فيهـا لهايـب
على أبلجٍ خلّـى الظـواري تعشـاه=وبطوع اخو نـوره تعشـى كتايـب
وابن جزاء يوم النضا جاه ينخـاه=وشلـون تنسـى يالعيـن الصلايـب
يومٍ يشيب الراس من حـس طريـاه=بيـن الحناكيـه وذيـك الجـذايـب
وفيحان أخو نوره تحت حد شلفـاه=كم فـارسٍ خـلاّ عظامـه حطايـب
اللي بجـاه يـوم زاره هـل الجـاه=رد الذويبي مال رايح نهايـب
ماخوذ غصب وضمّر الخيل تشعـاه=وشلون تنسـى ياعجيـب العجايـب
ونسيت ابن ناحل مع الضيف وقراه=هيف السمين اللي بها النـيّ سايـب
اللي يدسّم شـارب الضيـف ياجـاه=الخيل يعطيها وعطا البـل وهايـب
ونسيت منور ذيـب جمـعٍ سرايـاه=مثل الدبا الكتفـان ريـف القرايـب
حرز الذليـل اللـي يفـك المخـلاّه=نسيت اخو حسنا عطيـب الضرايـب
و ذويخ بالعربـان تكثـر رزايـاه=إليا شـان نطـق ميليـن العصايـب
كم هيّـةٍ زيزومهـا جـاب حسنـاه=وسعود من بعـده يفـك النشايـب
وابن جديع اللـي بهيّـه ضحايـاه=فرسـان قـومٍ فـوق قـبٍ ربايـب
يبـون وضـحٍ بالأباهـر محـنّـاه=افتكهـا ووّهـل جبرهـم نكـايـب
ونسيت مانع حوض موت منايـاه=ماتأخـذ ألا محتمـيـن الدبـايـب
كم فارس قـرّب لـه أجلـه وغفّـاه=علـيـه خلاّللحـوايـم لـوايــب
من كف اخو فزه نواعيـه تنعـاه=عليـه هـلات العبايـر سكـايـب
و نويشياللي بالخوي كـلٍ أوحـاه=بثـرأ خويـه عـن عوانيـه نايـب
قص أربعه وأثنين والسابـع أنجـاه=انهى الملام وخاطره ماهـو طايـب
وأبوك يالهربـاد مـن فـك بحمـاه=يوم الرصاص بنوع وبل السحايـب
برّم عصب رجليـه وإنّـا احتمينـاه=دونـه فعلنـا معجـزاتٍ غـرايـب
واليوم عنـدك لـه محبـه وملجـاه=غوال ابوك وحايـبٍ بـك حوايـب
والا ما تنسى وطيتـه فـوق علبـاه=وميقافنـا لا دفلجـن بـك ركايـب
جينـاه وأربـاع المبانـي مـمـلاه=فـي كـل بيـت مكتفيـنٍ قضايـب
واللي نـزل عنـده ثلاثيـن جمهـاه=بين الذرا والنـار ضـم الحضايـب
من عرض من ربص هكاليوم بدمـاه=راع النقا والفـوز يـوم الغصايـب
راسه سبق كفه على عـرش مطـاه=من كف اخو جوزاءوابوك السبايب
فعلٍ على وضـح النقـا مأخترعنـاه=ماهـي سواليـف الوجيـه القلايـب
وأضحى جزاء ميقافنا اللـي وقفنـاه=شبهتنـا ضيـنٍ رثـع فيـه لايـب
ذيبٍ يرد مـن أول الضيـن لتـلاه=الشكـوى لله ياكبـيـر القطـايـب
والله والله واحـدٍ مــا أتمـهـزاه=بالكـذب..والله يالقلـوب اللبـايـب
لولا القمر وسهيـل والجـدي لـولاه=لأقـول قـولٍ ماتعقبـه طـلايـب
مار بـذرا العنبـر تركـت العلنّـداه=ياللي تبـي بالكـذب تأخـذ غلايـب
يالطايش اللي طيشـه كبـر مركـاه=هلا هلا ياحـوش بيـض الترايـب
هذا جـداك وغيـب قلبـك عرفنـاه=مار الغلط مرجوع وانـس الحزايـب
أمـا تعـذّر عـن مقالـك ومنشـاه=عبر الأثيـر ولانبـي لـك نجايـب
يـوم المجلـد كـل حـيٍّ تـمـلاه=تراك مأنـت مـن الأذاعـه نعايـب
دفترك ما خصيت بـه يـوم نقـراه=قاريـه انـا ومسطراتـه عـرايـب
حتـى تعـذّر لـك لنـاس مسمـاه=كرّ النظر واحسب جميـع الحسايـب
كرّ النظر وأضرب علـى ماتـوراه=وعندك طريـق العافيـه والعقايـب
أمّا حفرت البير وأقطـن علـى مـاه=وألا تـدمـه دام مـيّـه سـرايـب
مـادام كـلٍ ماسـك مـاه بـلـزاه=والاتعرّضـت المحـن والصعايـب
يمـك ملاييـن المـدافـع معـبـاه=واقفالـهـا قيـادهـا بالـكـرايـب
والطيـش لايحرمـك لـذ المسـاواه=اعرف ترى للطيش غيـب وغبايـب
ألا عنـدك للخـزى ميـل مشهـاه=معجبك مالك مـن فعولـنٍ رهايـب
فالله خلق للداء دواء وأنـت مـن داه=ودواك للجـراح فـيـه الطـرايـب
يامـا لعينـك مـن مغثـه ومـاذاه=ياللـي بحركـم يامليـن الذهـايـب
بـه حصـةٍ بيضـا تـلالا مغطـاه=غيّم سماها بيـن خضـر رطايـب
مأدري ركبها غبار شيول ومسحـاه=وألا بهـا زتـم اعـداد الجـلايـب
لاواقفيـن ولا بالأعـيـان شفـنـاه=حظـي بـري لله علينـا رقـايـب
حظي بـري ماقالـوا النـاس قلنـاه=وبحظ من جاب الخبـر لـي جايـب
ياطير ابن برمان مـأدري حلايـاه=ياللـي تبـي فينـا تحـط النقايـب
ماهو هلا يالمنتسـب عقـب عفنـاه=حنّا جبرنـا مـا يحـوش القشايـب
ولا عندنـا لـك يامحمـد مناجـاه=خبلٍ تومـي فـي شنبـك الهبايـب
تبي تمثـل عنتـر الخيـل جهجـاه=تمثيـل وألا مسـردٍ مأنـت ثايـب
من قصائده بإبنه عقيل
يا عقيّل الحربي تقبّل سلامي=اقبل سلامي وأنت سالم وسلمّ
سَلمّ علي ربعي جنايب حزامي=يوم ان كلٍ في عوانيه يزهم
كم خيّر وقّع لهم بالبهَامي=اليا قيل حرب وحرب غيّاب نََعَّم
لولا الوفا قلبه علي حرب دامي=قد ناوخوه وقوبعوا كبده السم
دون المباني وامهات اليدامي=طشوا من اعضوده عشا الذيب الاسحم
دفّاعة العِطفه نهارالزَحامي=يوم الرعود اللي يجي سيلها دَمّ
وابروقها حِدبٍ تقص العظامي=يومٍ يشيبن به قناصيع الاطرم
يشيب فيه اللي بحل الفطامي=علي حياته ثاني الحَول ما تم
من شوف سِردٍ ينفضن الكتامي=في عجّهن مع زمَة الصبح يا زم
خد المهنّد لون شوط اللحامي=في حومة الميدان والموت خيّم
يردون وِردٍ لوَن وِرد الظوامي=وكل ٍ علي حدا الطريقين صَمّم
أما الشهاده ما بعدها ملامي=ولا يبي يثني خصيمٍ تقدم
يبي يتلّه في متين الخزامي=يوم الرجال اجمال والزمل يخزم
عادات ربعي محتمين الجَهَامي=عاداتهم هَدَّامة الجمع الادهم
من دَوَّر الشيمه لقاهم حشامي=لهم تقاليد وملازيم وِشيَم
عاداتنا واسلومنا فالسنامي=يا بعدنا في نايبتنا عن الذم
واللي يشوف المعضله في كلامي=ما قلت انا المعصوم اقول الله أعلم
مدحي لربعي قارنه باحترامي=ماني غشيم ولانويت أتغيشم
ماني بذم أعيال حامِ وسامي=للناس دون احقوقها عزم واهمم
من ذم خلق الله ترعرع وهامي=واصبح طريح اوهامه اللي توهمّ
يضرب بقلبه مخطرالبَين حامي=والنارفي روس المراقيع تشّم
الجود مايوجد بذم الكرامي=ومن لاحشم نفسه سَلَف مايحَشمّ
والناس كلٍ له مزاج وغرامي=وحسن النبا والخِيم مِعطىَ وُمِحرَم
واللي حياته رونقه وانسجامي=أما ظلم ولا مع الرونقه نم
والكذب سميِّ للرجال الهِيَامي=لكنها عمىٍ قلوب المهَيمّ
مايفهمونه عيب طبع وحرامي=وان الاثامي من زرعها توَثمّ
واللي عطوه بمعركتها الوسامي=قصة وفا ودليّهم تارد الجَم
من قدمّ الشلقه له الحق سامي=يضرب بكفه ليَن كفه تعَرمّ
يقدِم علي ما قدّمِه بالتمامي=للناس ما قدَّم عليه يتحيزم
يعطي الهلام اللي يمد الهلامي=من خلقة الدنيا لو انه ولد عم
هذا وأنا مالي لك الله مرامي=إلا السلام ومثلك الحر يفهم
تراك فالواجب تقوم بمقامي=سلّم علي سَمْوَا شبابه وُقلِ تمّ
رَبع لنا فالمعضلات الجسامي=من همّ يَفرِقنا هذاك يتحَلـمَّ
يسرح ويضوي في شعيب المظامي=لو صاح لين ان الشفايا تشَرَّم
ويــــقــــول ســبـــيـــل ايضا
يا اللي تعرف العلم شوف المسيّر=اعرف رجاجيل المواقف والانذال
واللي تبي منهـم تـراك المخيّـر=خوذ الدليل من القدايـم والافعـال
اللي ليا جت حاجتك فيـه ماسـر=ليا من بقعا طوّحت بك علي الجال
صرّم حبالك وانتحا عنـك يجتـر=لابالضميـر ولابالـه ولاســال
واللي ليا جيته وقف ماقـفٍ حـر=كنك شريكٍ في حصيله من المـال
يتعب تعبك ويسهرالليـل الاسمـر=عليه مثل اللي عليك من الاشكـال
ترى الدهر ياما عطا الوجه وادبر=تلقا كلامي في زمانـك ليـا مـال
لاتحسـن السالفـه مــا تنـيّـر=فتالها صعـبٍ علـي كـل فتـال
ليا من ميزان الوفـا والجفـا قـر=كلٍ لزوم إيكال لـه مثـل ماكـال
اللي ربض عن واجب الدم الاحمر=عنا يطيح بواجبه عبـر الاجيـال
لادون من هـذا ولاعنـدي اكثـر=والحق مايزعل من الحق رجـال
وقت السعه كلٍ يقـول الله اكبـر=بالزول عندك والسواليف رحّـال
ليا صارت الدنيا عوافي بلا شـر=كم واحدٍ تلقاه يـا ساتـر الحـال
حاتم يشوفه بالصخا كبر الاظفـر=اللي بها الدنيا مضاريب الامثـال
وليا سمع في طاري الزيـر زيّـر=ليا هز الارض يصيبها منه زلزال
تغتربه مثلي هـاك اليـوم مغتـر=بالصاحب اللي بورته مالهـا فـال
يوم ادركتني حاجـةٍ ذوقهـا مـر=جيت لوفاه وباعنـي قلـع بريـال
لكن هو يربح وانا ربحـي أكثـر=ماعـاد فيهـا يـا شبيشيرعـذال
وقال سبيل بن سند هذه القصيد أيضا يقول
هذا الزمان اللـي كثيـره بلاويـه=اللي به العروف يطلـع جريمـه
ليا زارك اللي زاوي الوقت زاويه=عليه من غبـر الليالـي وسيمـه
ياصلك في بيتك يبـوسٍ لواحيـه=ألين عظامه من نقيـض الجميمـه
يبيك تقضي لـه لـزومٍ موازيـه=موقف عليه اللـي يتـل الشكيمـه
وطلبت عون اللي نخافه ونرجيـه=رحمان رجوى مد غيـره هزيمـه
زفضيت جيبك ماليٍ لـه مخابيـه=شيمة عرب ما أنتـه مدوّرغنيمـه
علي اللزوم اللي يخصـك تبديـه=فل الحجاج وذب ذيـك الخريمـه
واليا خذيت سنين وانتـه تراجيـه=ماجاك جيته والجـوارح سليمـه
عنيت يمه مستحي حاسـبٍ فيـه=لكن ماعند أسـود الوجـه شيمـه
اليا سمعك بطيـب اسمـه تناديـه=جابهك بالعليـا ورمحـه وريمـه
كنـك تبـي تبـلاه والله معافيـه=لكـن ماتمشـي عليـه الظليمـه
يصيـح ويحـط الشواهـد بذانيـه=والله ذكر فـي سيـرةٍ مستقيمـه
من زل حرف من الشريعه مخليه=علي هذاك الحرف عض النديمـه
تاره تقول ان الخطا صاب راميـه=وتاريه تقول الطيب باس وعزيمـه
وجه الندا ما يقدر العـذر راعيـه=واردّها لاهـل العقـول الفهيمـه
اللي يعرفون النـدا كيـف ناديـه=ويقـدّرون لطقّـة البـاب قيمـه
أقولها من هاجـسٍ مانـي كاميـه=صبرت لين انه طرحنـي هشيمـه
عمري يـردّن الثلاثيـن ماضيـه=شاركت أبو تسعين قومة وسيمـه
وهذه قصيده للشاعرالكبير سبيل بن سند رحمه الله موجهه للشاعرالكبير
متعب بن مطيع الديري الحربي حفظه الله.
يــــقــــول ســبـــيـــل
البارحـه نجـد وفضاهاالوسيعـي=علي صارت ضوق عين الجـراده
يا ابوفهـد لنجـوم بقعـا لميعـي=قدمي اليا منـي لمسـت الوسـاده
من قطنها أوجس مثل شوك النقيعي=وقامت عيونـي تاخذالسهرعـاده
ليّه ثـلاث أيـام مانـي طبيعـيفي=حـال مالِيّـه عليهـا جـلاده
اشد عزمـي وِ بثوانـي يضيعـي=ضياع سلـك العنكبـوت البيـاده
وانا عَيَـادي بالحيـاه وربيعـي=واخير مايجلـب علـي السعـاده
إليا بذلت بكـل طَيّـب صنيعـي=والاّ التلاشي عن لزومـك نقـاده
لكن عزاي أني سبقتـك جضيعـي=والنوم وقت الصوم قالـوا عبـاده
حكم علي النوم بئـس الضجيعـي=تدري وعندك ياابن عمي شهـاده
ماني كليـل ولالسانـي قطيعـي=لولا الثلاث اللـي بهـن القـلاده
عيا تحت رجلي جملهـن يطيعـي=حمله فتل ياتـاج راسـي قيـاده
ليا جيت ابشفع عند ذاك الشفيعـي=كنك تطلـع مـن لهاتـي كـداده
تشري بنا غبـر الليـال وتبيعـي=لكنهـا حكـمـة قــوي الاراده
اللي بظلـه كـل خلقـه جميعـي=السيد اللـي مـال غيـره سيـاده
ودعتك اللـي مايخـون الوديعـي=ماضاع من ركز عليـه اعتمـاده
رد الشاعرالكبيرمتعب بن مطيع الديري الحربي حفظه الله
سَميَّت بسمـك ياالعيـم السميعـي=يااللـي لغيـرك ماتجوزالعبـاده
اللي بكل الكـون شانـك رفيعـي=فيك أستعيـن بجابتـي والافـاده
من بعدها قمت المقـام السريعـي=وسجلـت ردي بالثنـا والإشـاده
خص البشر ذاك الصدوق الشجيعي=اللي بذل بخلاص كـل إجتهـاده
مع كل مشرافٍ ومع كـل ريعـي=ساق الركاب ولازمـي هومـراده
بخلاص سَوّى كـل مايستطيعـي=لكـن هـذا الوقـت بَيَّـد بيـاده
هذا الزمان اللي يسمَّـى الفظيعـي=علـي قدّامـه موسِّـر شــداده
خلا الجمي يبرك مطيـعٍ مريعـي=قدام ياصل شامـخ النـاب مـاده
لوى ذراع اللي سـواة الظريعـي=اللي من الإحساس خالـي فـواده
يرد خـوف ولا يقيـت المجيعـي=وعنداللـوازم مايشـرر إزنــاده
والاّ انت عقب مزبنيـن المنيعـي=وعوق الخصيم لياد تزود جـواده
عنك الرردى أبعد من جبال البقيعي=عـن السويـد وشعبهـا واتحـاده
مانته من اللي يتبعـون المِرِيعـي=أنت العنيد اللـي يشـرّف عنـاده
أنـا بمثلـك ماأستمـع للمذيعـي=ولا اطيع فيكم هرجتـه وانتقـاده
خلك ياابو سلمان صدرك وسيعـي=على الزمـان وشدتـه وانعقـاده
ليا شفت لظروس الليالي قظيعـي=خلك صبور وخالق الكـون نـاده
وقال الشاعرسبيل بن سندالحربي يسند علي الشاعرالكبيربدربن عواد الحويفي الحربي حفظه الله يقول
يامـل قلـبٍ رف بيـن الضلوعـي=رفيـف حـرٍ يردعـنـه مسابـيـق
لو يمسـك اللجـه بعيـد الوقوعـي=ليـن ايتعلـى ملولحـات شواهـيـق
ممـا بقلبـي والخلايـق هجـوعـي=وقت انفرادي مـن جميـع المخاليـق
ياطيـب الرفقـه تـذارف دموعـي=مـادام بيبـان الضمايـر مغالـيـق
وانا اتجـرع مـر عميـا السنوعـي=من عنجهـيٍ مايشـوف الطواريـق
يابدر يوم الصوت يضرب سموعـي=ياريف سمحيـن الوجيـه المطاليـق
ماغيـر اجـوّد يالحويفـي جموعـي=ماكني املك سم ساعـه ا ليـا ذ يـق
والسـم الاخـر يملكونـه ربـوعـي=سم الهلاك ومشعـل النـور لاسيـق
لصـاح صيـاحٍ يـلـم الفـزوعـي=عاداتنـا يابـدر فــك المواسـيـق
مايمشـي العايـل علينـا بتـوعـي=ولا إنا على العيله زعـاعٍ مشافيـق
من عال دور من نشبنـا الشفوعـي=على الطوى يصبح ويمسي على الريق
ماشال هم احساب شبعـه وجوعـي=همه متى يـدرج بكشـف المعاتيـق
العـي نوريـه العيـا ليـن يوعـي=يقضي فراغه في صـلاة التشاريـق
حنـا حـرار وكـل حـرٍ جزوعـي=ماتمشـي العوجـا علينـا مدانـيـق
ونعيش في مذهـب عزيـزٍ قنوعـي=عن جارنا نبعد مدى ساعـة الضيـق
ماهوب كلـبٍ لا قصارنـا دنوعـي=عامين نتنـا عوقهـم لـه ولا عيـق
علـة ورق جيرانـنـا بالجـذوعـي=يابدر يذكر لي ورى النبـح تصفيـق
الله يـعـز مكفنـيـن الـدروعــي=على ضريح السيف ماهـي تماليـق
وهروج خبـلٍ يـدرق فيـه شوعـي=عقله ضعيف وصخـره قـل توفيـق
رد الشاعرالكبيربدر بن عواد الحويفي الحربي حفظه الله يقول
يـام قلـبٍ رف بيـن الضلوعـي=رفيف نزرات الشروق المطافيـق
مربّهن فـي عاليـات الفروعـي=ولهن علي حوم المطامن مصاليـق
حرش الكفوف مسقمات التبوعـي=اللي لهن في لجة الجـو تحليـق
حي الجواب اللي لفا من ربوعـي=من شاعرٍ يفهم معـان الطواريـق
يصّخرالمعنى علـي كـل نوعـي=ويقطف من القيل النقاوي زماليـق
ماهو غشيمٍ لاطرت لـه يتوعـي=تسوقـه افكـاره بليـا مسـاويـق
يضيع مابيـن الخطـا والسنوعـي=يخطي الهدف ويلصق القيل تلصيق
يامرحبـا ياسيفـنـا بالفـزوعـي=سم القلوب اللي علينـا مصانيـق
للصاحب احلى من شراب النقوعي=وللضد سم يشلـق الكبـد تشليـق
اللي بدالـك يالشجـاع البتوعـي=مثلك تراني تالـي الليـل ماليـق
مخدتـي لنامـوا النـاس كوعـي=اسمع خطا وأفهق الصبـر تفهيـق
سحمه تهز الذيل بيـن النجوعـي=وسحمان ينبح في تقا الضلع ويويق
الهامل اللي عن هواه امهزوعـي=ان ماهج دقق لـه العلـم تدقيـق
معروف مقياس الوضيع الدنوعـي=ماله نفق لوحـط روغ ومناطيـق
يابن سند قصة خشاش الصدوعـي=جندٍ يبي بالشعب فوضـا وتفريـق
سـراد نـاسٍ بالقرايـا يسوعـي=زهابهم حب الحـدج والطوابيـق
بياعة المسمت خبـاث الطبوعـي=لاديـن يمنعهـم ولامـن مواثيـق
ماهم زعيمه قاصريـن النفوعـي=ماجفل العقبـان حـوم الغرانيـق
يوم البراء مردود بين الجموعـي=اعدودنا ماخـض ماهـا ولاذيـق
ونشورنا بيـن القبائـل ارتوعـي=حامينهـا بحـدود شلـفٍ مذاليـق
واليوم كل مجـربٍ صارطوعـي=العدل سـاد وطـوق الشرتطويـق
والشعب بظلال العداله سجوعـي=الديـن واحـد والطبايـع توافيـق
واللي يشّكـل للمشاكـل فروعـي=نسق لمقصد نيـة السـوء تنسيـق
في ملة الاسـلام ماهـو قنوعـي=وده يطبق خطـة استيـل تطبيـق
مثل ابن عمه لابسٍ ثوب شوعـي=وحدوه حكام الشريعه علي الضيق
وقال الشاعرسبيل بن سند الحربي رحمه الله هذه القصيده يقول
ياصاحبي بعض الهدايا رزايا=نقصٍ علي اللي ينتظرها وَهَلها
مثل المصير اللي جميع الحوايا=تسوق فيه من الذبيحه وُسَلها
مافيه خيرولايعشي قوايا=من ذاق لقمه قافيتها تفلها
والهرج ما يملا اليدين الخلايا=اليا زاد غيَّم فالكبود وُدبلها
لين انها تاصل حدود القصايا=مع دمها ومجراه يجري زعلها
مار الكلام اللي يكف الحكايا=من ضامري غِش السوالف غسَلها
قل لليدين اللي عليها كوايا=أرزاق خلق الله ترى الله كفلها
اللي مخازن باب جوده ملايا=لاتحسبون انه عليكم تكَلها
الا انها تخفى عليه الخفايا=ليا من عَقّال السوالف عقلها
اللي ورث حاتم بزين السجايا=اليا تراكا والشوارب فتلها
حضَرلك الغايب وسَوَّى سوايا=مع كل مجدالٍ ذلوله جدلها
وان طال عمره ناويٍ له نوايا=يبي يشارك بالنفوس وبجلها
ويبي يعمّر للحياة العرايا=ابيوت مابجدودهم من نزلها
بالهرج والاّ اليا تركنا الحكايا=وتقاطعت ذيك السوالف اعلَلها
غيّم سمَاه ونشقّن الشفايا=وارضه عن اللي قال شربَت بَلَلها
frame="9 80"]نبذه عن الشاعر:غير متوفر
يأمير يا شين الخطـأ منـك شينـاه=ياخوفتـي عقلـك هكاليـوم غايـب
يومٍ مثلـك تزعـل النـاس عوجـاه=رجّال عرف ومن حمولـه وشايـب
لاجاهلٍ غي الجهـل فيـه وأغـواه=ولامسردٍ من كل الاطـراف خايـب
أنتـه تقـول القيـل وتجيـد معنـاه=شالك هوى نفسك على غير صايـب
لاكـان حنّـا مـن تعدى أنتحـداه=من دون واجبنـا نجيـد الصوايـب
ياشايبٍ غي الجهـل تـوّ مـا جـاه=يبى يعيـب النـاس والعـود عايـب
يا ضريغط اللي شـال همـه بدنيـاه=ياذيـب بيـن معكرشـات الذوايـب
إن كـان عنـدك للفعايـل امجـازاه=حربٍ عمامك يـوم مـسّ الجنايـب
غصبٍ عليك وصامـل العلـم تلقـاه=ان طاب لك وإلا على غيـر طايـب
أبـوك معطينـا الأخـاوه بيمـنـاه=لـولا الأخـاوه راح مالـه نهايـب
يامـن سواليفـه توسّـخ شفـايـاه=ذيب العلوم ولا ذكـر لـك حرايـب
طوبى مقرّ اللي ولى الحكم وأرسـاه=يامآ رسى واليـوم حـدر النصايـب
ورّث حبيب الشعـب عقـب تـولاه=فيصل على كبد العـدو سـمٍ ذايـب
بظلال أخو نوره مشى الذيب والشـاه=خلّى الغنم والذيب تمشـي صحايـب
وخلاّك يالنمـرود تمشـي بحسنـاه=وتحط بالشعب السعـودي عصايـب
والله يالو يدري عن العلـم وأقصـاه=مالك شفاعـة لـو تشفّعـت تايـب
مغترّ فيـك الله علـى الخيـر يقـداه=وش عرّفه لك عند مطلـق حلايـب
ماشاف نـزلٍ لـك يـدق الحونـداه=بمعيلـه مثـل الخـزز واللعـايـب
نـزلٍ نشوفـه والمخاليـق تـدهـاه=نـزل البـلاوي كلهـا والمصايـب
عن روس خلق الله وأنـا أبـراي للاه=عن ناس ترعى في طرفكـم حبايـب
لو فيك خير ووجهك الشيـن ينكـاه=ماتعتـرض لمكمّلـيـن النـوايـب
وأولاد وايل عـن سوالفـك مغنـاه=ماهـم بعـوزك يامـدوّه زرايــب
قطعانهم عشب الخطر غصب ترعاه=ترعاه أباعرهـم لـو الـدم رايـب
وحربٍ قواطيعٍ على الخيـل وأرمـاه=عوق الزعيـم مـورّدة كـل هايـب
وشريدة الفرسـان وشلـون تنسـاه=وشلون تنسى يـا طويـل الخبايـب
اللي على شيـل الجماهـي مضـرّاه=يمنـاه والفسقـان سيـف العطايـب
وابن نحيت اللـي نهـار المثـاراه=كم كبـد حـيٍّ شـب فيهـا لهايـب
على أبلجٍ خلّـى الظـواري تعشـاه=وبطوع اخو نـوره تعشـى كتايـب
وابن جزاء يوم النضا جاه ينخـاه=وشلـون تنسـى يالعيـن الصلايـب
يومٍ يشيب الراس من حـس طريـاه=بيـن الحناكيـه وذيـك الجـذايـب
وفيحان أخو نوره تحت حد شلفـاه=كم فـارسٍ خـلاّ عظامـه حطايـب
اللي بجـاه يـوم زاره هـل الجـاه=رد الذويبي مال رايح نهايـب
ماخوذ غصب وضمّر الخيل تشعـاه=وشلون تنسـى ياعجيـب العجايـب
ونسيت ابن ناحل مع الضيف وقراه=هيف السمين اللي بها النـيّ سايـب
اللي يدسّم شـارب الضيـف ياجـاه=الخيل يعطيها وعطا البـل وهايـب
ونسيت منور ذيـب جمـعٍ سرايـاه=مثل الدبا الكتفـان ريـف القرايـب
حرز الذليـل اللـي يفـك المخـلاّه=نسيت اخو حسنا عطيـب الضرايـب
و ذويخ بالعربـان تكثـر رزايـاه=إليا شـان نطـق ميليـن العصايـب
كم هيّـةٍ زيزومهـا جـاب حسنـاه=وسعود من بعـده يفـك النشايـب
وابن جديع اللـي بهيّـه ضحايـاه=فرسـان قـومٍ فـوق قـبٍ ربايـب
يبـون وضـحٍ بالأباهـر محـنّـاه=افتكهـا ووّهـل جبرهـم نكـايـب
ونسيت مانع حوض موت منايـاه=ماتأخـذ ألا محتمـيـن الدبـايـب
كم فارس قـرّب لـه أجلـه وغفّـاه=علـيـه خلاّللحـوايـم لـوايــب
من كف اخو فزه نواعيـه تنعـاه=عليـه هـلات العبايـر سكـايـب
و نويشياللي بالخوي كـلٍ أوحـاه=بثـرأ خويـه عـن عوانيـه نايـب
قص أربعه وأثنين والسابـع أنجـاه=انهى الملام وخاطره ماهـو طايـب
وأبوك يالهربـاد مـن فـك بحمـاه=يوم الرصاص بنوع وبل السحايـب
برّم عصب رجليـه وإنّـا احتمينـاه=دونـه فعلنـا معجـزاتٍ غـرايـب
واليوم عنـدك لـه محبـه وملجـاه=غوال ابوك وحايـبٍ بـك حوايـب
والا ما تنسى وطيتـه فـوق علبـاه=وميقافنـا لا دفلجـن بـك ركايـب
جينـاه وأربـاع المبانـي مـمـلاه=فـي كـل بيـت مكتفيـنٍ قضايـب
واللي نـزل عنـده ثلاثيـن جمهـاه=بين الذرا والنـار ضـم الحضايـب
من عرض من ربص هكاليوم بدمـاه=راع النقا والفـوز يـوم الغصايـب
راسه سبق كفه على عـرش مطـاه=من كف اخو جوزاءوابوك السبايب
فعلٍ على وضـح النقـا مأخترعنـاه=ماهـي سواليـف الوجيـه القلايـب
وأضحى جزاء ميقافنا اللـي وقفنـاه=شبهتنـا ضيـنٍ رثـع فيـه لايـب
ذيبٍ يرد مـن أول الضيـن لتـلاه=الشكـوى لله ياكبـيـر القطـايـب
والله والله واحـدٍ مــا أتمـهـزاه=بالكـذب..والله يالقلـوب اللبـايـب
لولا القمر وسهيـل والجـدي لـولاه=لأقـول قـولٍ ماتعقبـه طـلايـب
مار بـذرا العنبـر تركـت العلنّـداه=ياللي تبـي بالكـذب تأخـذ غلايـب
يالطايش اللي طيشـه كبـر مركـاه=هلا هلا ياحـوش بيـض الترايـب
هذا جـداك وغيـب قلبـك عرفنـاه=مار الغلط مرجوع وانـس الحزايـب
أمـا تعـذّر عـن مقالـك ومنشـاه=عبر الأثيـر ولانبـي لـك نجايـب
يـوم المجلـد كـل حـيٍّ تـمـلاه=تراك مأنـت مـن الأذاعـه نعايـب
دفترك ما خصيت بـه يـوم نقـراه=قاريـه انـا ومسطراتـه عـرايـب
حتـى تعـذّر لـك لنـاس مسمـاه=كرّ النظر واحسب جميـع الحسايـب
كرّ النظر وأضرب علـى ماتـوراه=وعندك طريـق العافيـه والعقايـب
أمّا حفرت البير وأقطـن علـى مـاه=وألا تـدمـه دام مـيّـه سـرايـب
مـادام كـلٍ ماسـك مـاه بـلـزاه=والاتعرّضـت المحـن والصعايـب
يمـك ملاييـن المـدافـع معـبـاه=واقفالـهـا قيـادهـا بالـكـرايـب
والطيـش لايحرمـك لـذ المسـاواه=اعرف ترى للطيش غيـب وغبايـب
ألا عنـدك للخـزى ميـل مشهـاه=معجبك مالك مـن فعولـنٍ رهايـب
فالله خلق للداء دواء وأنـت مـن داه=ودواك للجـراح فـيـه الطـرايـب
يامـا لعينـك مـن مغثـه ومـاذاه=ياللـي بحركـم يامليـن الذهـايـب
بـه حصـةٍ بيضـا تـلالا مغطـاه=غيّم سماها بيـن خضـر رطايـب
مأدري ركبها غبار شيول ومسحـاه=وألا بهـا زتـم اعـداد الجـلايـب
لاواقفيـن ولا بالأعـيـان شفـنـاه=حظـي بـري لله علينـا رقـايـب
حظي بـري ماقالـوا النـاس قلنـاه=وبحظ من جاب الخبـر لـي جايـب
ياطير ابن برمان مـأدري حلايـاه=ياللـي تبـي فينـا تحـط النقايـب
ماهو هلا يالمنتسـب عقـب عفنـاه=حنّا جبرنـا مـا يحـوش القشايـب
ولا عندنـا لـك يامحمـد مناجـاه=خبلٍ تومـي فـي شنبـك الهبايـب
تبي تمثـل عنتـر الخيـل جهجـاه=تمثيـل وألا مسـردٍ مأنـت ثايـب
من قصائده بإبنه عقيل
يا عقيّل الحربي تقبّل سلامي=اقبل سلامي وأنت سالم وسلمّ
سَلمّ علي ربعي جنايب حزامي=يوم ان كلٍ في عوانيه يزهم
كم خيّر وقّع لهم بالبهَامي=اليا قيل حرب وحرب غيّاب نََعَّم
لولا الوفا قلبه علي حرب دامي=قد ناوخوه وقوبعوا كبده السم
دون المباني وامهات اليدامي=طشوا من اعضوده عشا الذيب الاسحم
دفّاعة العِطفه نهارالزَحامي=يوم الرعود اللي يجي سيلها دَمّ
وابروقها حِدبٍ تقص العظامي=يومٍ يشيبن به قناصيع الاطرم
يشيب فيه اللي بحل الفطامي=علي حياته ثاني الحَول ما تم
من شوف سِردٍ ينفضن الكتامي=في عجّهن مع زمَة الصبح يا زم
خد المهنّد لون شوط اللحامي=في حومة الميدان والموت خيّم
يردون وِردٍ لوَن وِرد الظوامي=وكل ٍ علي حدا الطريقين صَمّم
أما الشهاده ما بعدها ملامي=ولا يبي يثني خصيمٍ تقدم
يبي يتلّه في متين الخزامي=يوم الرجال اجمال والزمل يخزم
عادات ربعي محتمين الجَهَامي=عاداتهم هَدَّامة الجمع الادهم
من دَوَّر الشيمه لقاهم حشامي=لهم تقاليد وملازيم وِشيَم
عاداتنا واسلومنا فالسنامي=يا بعدنا في نايبتنا عن الذم
واللي يشوف المعضله في كلامي=ما قلت انا المعصوم اقول الله أعلم
مدحي لربعي قارنه باحترامي=ماني غشيم ولانويت أتغيشم
ماني بذم أعيال حامِ وسامي=للناس دون احقوقها عزم واهمم
من ذم خلق الله ترعرع وهامي=واصبح طريح اوهامه اللي توهمّ
يضرب بقلبه مخطرالبَين حامي=والنارفي روس المراقيع تشّم
الجود مايوجد بذم الكرامي=ومن لاحشم نفسه سَلَف مايحَشمّ
والناس كلٍ له مزاج وغرامي=وحسن النبا والخِيم مِعطىَ وُمِحرَم
واللي حياته رونقه وانسجامي=أما ظلم ولا مع الرونقه نم
والكذب سميِّ للرجال الهِيَامي=لكنها عمىٍ قلوب المهَيمّ
مايفهمونه عيب طبع وحرامي=وان الاثامي من زرعها توَثمّ
واللي عطوه بمعركتها الوسامي=قصة وفا ودليّهم تارد الجَم
من قدمّ الشلقه له الحق سامي=يضرب بكفه ليَن كفه تعَرمّ
يقدِم علي ما قدّمِه بالتمامي=للناس ما قدَّم عليه يتحيزم
يعطي الهلام اللي يمد الهلامي=من خلقة الدنيا لو انه ولد عم
هذا وأنا مالي لك الله مرامي=إلا السلام ومثلك الحر يفهم
تراك فالواجب تقوم بمقامي=سلّم علي سَمْوَا شبابه وُقلِ تمّ
رَبع لنا فالمعضلات الجسامي=من همّ يَفرِقنا هذاك يتحَلـمَّ
يسرح ويضوي في شعيب المظامي=لو صاح لين ان الشفايا تشَرَّم
ويــــقــــول ســبـــيـــل ايضا
يا اللي تعرف العلم شوف المسيّر=اعرف رجاجيل المواقف والانذال
واللي تبي منهـم تـراك المخيّـر=خوذ الدليل من القدايـم والافعـال
اللي ليا جت حاجتك فيـه ماسـر=ليا من بقعا طوّحت بك علي الجال
صرّم حبالك وانتحا عنـك يجتـر=لابالضميـر ولابالـه ولاســال
واللي ليا جيته وقف ماقـفٍ حـر=كنك شريكٍ في حصيله من المـال
يتعب تعبك ويسهرالليـل الاسمـر=عليه مثل اللي عليك من الاشكـال
ترى الدهر ياما عطا الوجه وادبر=تلقا كلامي في زمانـك ليـا مـال
لاتحسـن السالفـه مــا تنـيّـر=فتالها صعـبٍ علـي كـل فتـال
ليا من ميزان الوفـا والجفـا قـر=كلٍ لزوم إيكال لـه مثـل ماكـال
اللي ربض عن واجب الدم الاحمر=عنا يطيح بواجبه عبـر الاجيـال
لادون من هـذا ولاعنـدي اكثـر=والحق مايزعل من الحق رجـال
وقت السعه كلٍ يقـول الله اكبـر=بالزول عندك والسواليف رحّـال
ليا صارت الدنيا عوافي بلا شـر=كم واحدٍ تلقاه يـا ساتـر الحـال
حاتم يشوفه بالصخا كبر الاظفـر=اللي بها الدنيا مضاريب الامثـال
وليا سمع في طاري الزيـر زيّـر=ليا هز الارض يصيبها منه زلزال
تغتربه مثلي هـاك اليـوم مغتـر=بالصاحب اللي بورته مالهـا فـال
يوم ادركتني حاجـةٍ ذوقهـا مـر=جيت لوفاه وباعنـي قلـع بريـال
لكن هو يربح وانا ربحـي أكثـر=ماعـاد فيهـا يـا شبيشيرعـذال
وقال سبيل بن سند هذه القصيد أيضا يقول
هذا الزمان اللـي كثيـره بلاويـه=اللي به العروف يطلـع جريمـه
ليا زارك اللي زاوي الوقت زاويه=عليه من غبـر الليالـي وسيمـه
ياصلك في بيتك يبـوسٍ لواحيـه=ألين عظامه من نقيـض الجميمـه
يبيك تقضي لـه لـزومٍ موازيـه=موقف عليه اللـي يتـل الشكيمـه
وطلبت عون اللي نخافه ونرجيـه=رحمان رجوى مد غيـره هزيمـه
زفضيت جيبك ماليٍ لـه مخابيـه=شيمة عرب ما أنتـه مدوّرغنيمـه
علي اللزوم اللي يخصـك تبديـه=فل الحجاج وذب ذيـك الخريمـه
واليا خذيت سنين وانتـه تراجيـه=ماجاك جيته والجـوارح سليمـه
عنيت يمه مستحي حاسـبٍ فيـه=لكن ماعند أسـود الوجـه شيمـه
اليا سمعك بطيـب اسمـه تناديـه=جابهك بالعليـا ورمحـه وريمـه
كنـك تبـي تبـلاه والله معافيـه=لكـن ماتمشـي عليـه الظليمـه
يصيـح ويحـط الشواهـد بذانيـه=والله ذكر فـي سيـرةٍ مستقيمـه
من زل حرف من الشريعه مخليه=علي هذاك الحرف عض النديمـه
تاره تقول ان الخطا صاب راميـه=وتاريه تقول الطيب باس وعزيمـه
وجه الندا ما يقدر العـذر راعيـه=واردّها لاهـل العقـول الفهيمـه
اللي يعرفون النـدا كيـف ناديـه=ويقـدّرون لطقّـة البـاب قيمـه
أقولها من هاجـسٍ مانـي كاميـه=صبرت لين انه طرحنـي هشيمـه
عمري يـردّن الثلاثيـن ماضيـه=شاركت أبو تسعين قومة وسيمـه
وهذه قصيده للشاعرالكبير سبيل بن سند رحمه الله موجهه للشاعرالكبير
متعب بن مطيع الديري الحربي حفظه الله.
يــــقــــول ســبـــيـــل
البارحـه نجـد وفضاهاالوسيعـي=علي صارت ضوق عين الجـراده
يا ابوفهـد لنجـوم بقعـا لميعـي=قدمي اليا منـي لمسـت الوسـاده
من قطنها أوجس مثل شوك النقيعي=وقامت عيونـي تاخذالسهرعـاده
ليّه ثـلاث أيـام مانـي طبيعـيفي=حـال مالِيّـه عليهـا جـلاده
اشد عزمـي وِ بثوانـي يضيعـي=ضياع سلـك العنكبـوت البيـاده
وانا عَيَـادي بالحيـاه وربيعـي=واخير مايجلـب علـي السعـاده
إليا بذلت بكـل طَيّـب صنيعـي=والاّ التلاشي عن لزومـك نقـاده
لكن عزاي أني سبقتـك جضيعـي=والنوم وقت الصوم قالـوا عبـاده
حكم علي النوم بئـس الضجيعـي=تدري وعندك ياابن عمي شهـاده
ماني كليـل ولالسانـي قطيعـي=لولا الثلاث اللـي بهـن القـلاده
عيا تحت رجلي جملهـن يطيعـي=حمله فتل ياتـاج راسـي قيـاده
ليا جيت ابشفع عند ذاك الشفيعـي=كنك تطلـع مـن لهاتـي كـداده
تشري بنا غبـر الليـال وتبيعـي=لكنهـا حكـمـة قــوي الاراده
اللي بظلـه كـل خلقـه جميعـي=السيد اللـي مـال غيـره سيـاده
ودعتك اللـي مايخـون الوديعـي=ماضاع من ركز عليـه اعتمـاده
رد الشاعرالكبيرمتعب بن مطيع الديري الحربي حفظه الله
سَميَّت بسمـك ياالعيـم السميعـي=يااللـي لغيـرك ماتجوزالعبـاده
اللي بكل الكـون شانـك رفيعـي=فيك أستعيـن بجابتـي والافـاده
من بعدها قمت المقـام السريعـي=وسجلـت ردي بالثنـا والإشـاده
خص البشر ذاك الصدوق الشجيعي=اللي بذل بخلاص كـل إجتهـاده
مع كل مشرافٍ ومع كـل ريعـي=ساق الركاب ولازمـي هومـراده
بخلاص سَوّى كـل مايستطيعـي=لكـن هـذا الوقـت بَيَّـد بيـاده
هذا الزمان اللي يسمَّـى الفظيعـي=علـي قدّامـه موسِّـر شــداده
خلا الجمي يبرك مطيـعٍ مريعـي=قدام ياصل شامـخ النـاب مـاده
لوى ذراع اللي سـواة الظريعـي=اللي من الإحساس خالـي فـواده
يرد خـوف ولا يقيـت المجيعـي=وعنداللـوازم مايشـرر إزنــاده
والاّ انت عقب مزبنيـن المنيعـي=وعوق الخصيم لياد تزود جـواده
عنك الرردى أبعد من جبال البقيعي=عـن السويـد وشعبهـا واتحـاده
مانته من اللي يتبعـون المِرِيعـي=أنت العنيد اللـي يشـرّف عنـاده
أنـا بمثلـك ماأستمـع للمذيعـي=ولا اطيع فيكم هرجتـه وانتقـاده
خلك ياابو سلمان صدرك وسيعـي=على الزمـان وشدتـه وانعقـاده
ليا شفت لظروس الليالي قظيعـي=خلك صبور وخالق الكـون نـاده
وقال الشاعرسبيل بن سندالحربي يسند علي الشاعرالكبيربدربن عواد الحويفي الحربي حفظه الله يقول
يامـل قلـبٍ رف بيـن الضلوعـي=رفيـف حـرٍ يردعـنـه مسابـيـق
لو يمسـك اللجـه بعيـد الوقوعـي=ليـن ايتعلـى ملولحـات شواهـيـق
ممـا بقلبـي والخلايـق هجـوعـي=وقت انفرادي مـن جميـع المخاليـق
ياطيـب الرفقـه تـذارف دموعـي=مـادام بيبـان الضمايـر مغالـيـق
وانا اتجـرع مـر عميـا السنوعـي=من عنجهـيٍ مايشـوف الطواريـق
يابدر يوم الصوت يضرب سموعـي=ياريف سمحيـن الوجيـه المطاليـق
ماغيـر اجـوّد يالحويفـي جموعـي=ماكني املك سم ساعـه ا ليـا ذ يـق
والسـم الاخـر يملكونـه ربـوعـي=سم الهلاك ومشعـل النـور لاسيـق
لصـاح صيـاحٍ يـلـم الفـزوعـي=عاداتنـا يابـدر فــك المواسـيـق
مايمشـي العايـل علينـا بتـوعـي=ولا إنا على العيله زعـاعٍ مشافيـق
من عال دور من نشبنـا الشفوعـي=على الطوى يصبح ويمسي على الريق
ماشال هم احساب شبعـه وجوعـي=همه متى يـدرج بكشـف المعاتيـق
العـي نوريـه العيـا ليـن يوعـي=يقضي فراغه في صـلاة التشاريـق
حنـا حـرار وكـل حـرٍ جزوعـي=ماتمشـي العوجـا علينـا مدانـيـق
ونعيش في مذهـب عزيـزٍ قنوعـي=عن جارنا نبعد مدى ساعـة الضيـق
ماهوب كلـبٍ لا قصارنـا دنوعـي=عامين نتنـا عوقهـم لـه ولا عيـق
علـة ورق جيرانـنـا بالجـذوعـي=يابدر يذكر لي ورى النبـح تصفيـق
الله يـعـز مكفنـيـن الـدروعــي=على ضريح السيف ماهـي تماليـق
وهروج خبـلٍ يـدرق فيـه شوعـي=عقله ضعيف وصخـره قـل توفيـق
رد الشاعرالكبيربدر بن عواد الحويفي الحربي حفظه الله يقول
يـام قلـبٍ رف بيـن الضلوعـي=رفيف نزرات الشروق المطافيـق
مربّهن فـي عاليـات الفروعـي=ولهن علي حوم المطامن مصاليـق
حرش الكفوف مسقمات التبوعـي=اللي لهن في لجة الجـو تحليـق
حي الجواب اللي لفا من ربوعـي=من شاعرٍ يفهم معـان الطواريـق
يصّخرالمعنى علـي كـل نوعـي=ويقطف من القيل النقاوي زماليـق
ماهو غشيمٍ لاطرت لـه يتوعـي=تسوقـه افكـاره بليـا مسـاويـق
يضيع مابيـن الخطـا والسنوعـي=يخطي الهدف ويلصق القيل تلصيق
يامرحبـا ياسيفـنـا بالفـزوعـي=سم القلوب اللي علينـا مصانيـق
للصاحب احلى من شراب النقوعي=وللضد سم يشلـق الكبـد تشليـق
اللي بدالـك يالشجـاع البتوعـي=مثلك تراني تالـي الليـل ماليـق
مخدتـي لنامـوا النـاس كوعـي=اسمع خطا وأفهق الصبـر تفهيـق
سحمه تهز الذيل بيـن النجوعـي=وسحمان ينبح في تقا الضلع ويويق
الهامل اللي عن هواه امهزوعـي=ان ماهج دقق لـه العلـم تدقيـق
معروف مقياس الوضيع الدنوعـي=ماله نفق لوحـط روغ ومناطيـق
يابن سند قصة خشاش الصدوعـي=جندٍ يبي بالشعب فوضـا وتفريـق
سـراد نـاسٍ بالقرايـا يسوعـي=زهابهم حب الحـدج والطوابيـق
بياعة المسمت خبـاث الطبوعـي=لاديـن يمنعهـم ولامـن مواثيـق
ماهم زعيمه قاصريـن النفوعـي=ماجفل العقبـان حـوم الغرانيـق
يوم البراء مردود بين الجموعـي=اعدودنا ماخـض ماهـا ولاذيـق
ونشورنا بيـن القبائـل ارتوعـي=حامينهـا بحـدود شلـفٍ مذاليـق
واليوم كل مجـربٍ صارطوعـي=العدل سـاد وطـوق الشرتطويـق
والشعب بظلال العداله سجوعـي=الديـن واحـد والطبايـع توافيـق
واللي يشّكـل للمشاكـل فروعـي=نسق لمقصد نيـة السـوء تنسيـق
في ملة الاسـلام ماهـو قنوعـي=وده يطبق خطـة استيـل تطبيـق
مثل ابن عمه لابسٍ ثوب شوعـي=وحدوه حكام الشريعه علي الضيق
وقال الشاعرسبيل بن سند الحربي رحمه الله هذه القصيده يقول
ياصاحبي بعض الهدايا رزايا=نقصٍ علي اللي ينتظرها وَهَلها
مثل المصير اللي جميع الحوايا=تسوق فيه من الذبيحه وُسَلها
مافيه خيرولايعشي قوايا=من ذاق لقمه قافيتها تفلها
والهرج ما يملا اليدين الخلايا=اليا زاد غيَّم فالكبود وُدبلها
لين انها تاصل حدود القصايا=مع دمها ومجراه يجري زعلها
مار الكلام اللي يكف الحكايا=من ضامري غِش السوالف غسَلها
قل لليدين اللي عليها كوايا=أرزاق خلق الله ترى الله كفلها
اللي مخازن باب جوده ملايا=لاتحسبون انه عليكم تكَلها
الا انها تخفى عليه الخفايا=ليا من عَقّال السوالف عقلها
اللي ورث حاتم بزين السجايا=اليا تراكا والشوارب فتلها
حضَرلك الغايب وسَوَّى سوايا=مع كل مجدالٍ ذلوله جدلها
وان طال عمره ناويٍ له نوايا=يبي يشارك بالنفوس وبجلها
ويبي يعمّر للحياة العرايا=ابيوت مابجدودهم من نزلها
بالهرج والاّ اليا تركنا الحكايا=وتقاطعت ذيك السوالف اعلَلها
غيّم سمَاه ونشقّن الشفايا=وارضه عن اللي قال شربَت بَلَلها