اقلط هنا يالسبيل او الشلياني او اي شاعررررررررررر

[صياف العلوي]

سلام ومرحبا يارفيقي خذ الثنتين = عسى الله يفرجها وتصبح لنا ذكرى
مضى خمسة عشر عام نزعبها بدلوين = وراع الدلا ضامي ومن زعبهن ازرى

[مـ ـهـ ـاجرهـ]

صح لسانك ياصياف وبانتظار احد الشعراء...

[ابوزياد]

مادام مأحد رد من المطلوبين من قبل الشاعر ابا أسد الماقف
عن اذنكم



هلا ياسمي العود والعلم بين اثنين=انا وانت والشعار من غيرنا تقرى
يقولون دلون جم والدلو الاخرى طين=عسى مسهمي واياك ماهو من الاخرى

[صياف العلوي]

اسمع

انا ماعرف ظنك تمشيها على مين = تقول هذي زينه وهي علقم وصبرى

انا شايفك خداع تمشي على الحبلين = ولا تنفعك فااليل لازانت القمرى

[أبـو رنـيـــم]

خلقنا بشر والبشر طبعهم عجلين = عساها بالعلا دايم ولاتنحدر حدرى
جبرها الزمن تمشي حد الامرين = وراع السالفه معروف في سرها الادرى

[ابوزياد]

انا اشوف عزت عقب بغداد يبي الصين=لكن سورها عالي ولاالله كتب نصرى
ولاهوب عيب الرجل لاصاردنيا ودين=يعيبه الى من تاه بالليله الغدرى

[ابن بتال المخلفي]

أبيات راائعة من شعراء كبار ،،

صحت ألسنتكم ،، و فالكم التوفيق ،،،

[ســعود]

الله الله .....

تستاهلون الصفوف ..بس الشكوى لله..

لاهنتم ياالثنين شاعرين قديرين..

[صياف العلوي]

اسمع



كلامك قله للي معه شلفا وسكين = ولاتنصح اللي فالسما تقذف الجمرى

ولا ننقص الرجال لاصار بين وبين = وراع الغداري لاسرى بيضيع جبرى

اتمنى الاستمرار

[ابوزياد]

جميع البشر تشهد على اللي تشوف العين=فوارق حقيقية من البيع والمشرى
وياللعجب رجال يمشي على الرجلين=يبي يساوي الفارس على المهره الصفرى

[صياف العلوي]

اسمع
تشوف المجنن ما تساوى مع الصاحين = لكن المصيبه صاحين عادته قشرى


ولا ياارهابي انته تقسمنا لنصفين = وحنا شعب واحد تحت راية خضرى

[ابوزياد]

يشوفون شئ ن مايناسب مع التلحين = مثل خبط عشواء ياقلم خط مايطرى
اجامل علشان اسم عودٍ لنا من اسنين = توفى وحبه بين الاضلاع مايبرى
لو الاسم ينفع كان سموا صلاح الدين = لعله يرد القدس ويحرر الاسرى





مع السلامه ونفتح باب المشاركات من الاخوان اللي يحب يعلق على الموضوع ويبدئ رايه بكل حياديه يتفضل .

[صياف العلوي]

اسمع

تبني بيوت ونكتفي عنها ببيتين = وهوج الرياح من الرمل فالبيت تذرى
دخلت السوق والسوق مايدخل بقرشين = وتبغى تشتري بالقروش سوار كسرى


اتمنى من أخي ابو زياد الأكمال

ولا يفهمني غلط

[مـ ـهـ ـاجرهـ]

لاهنتو جميعا..

كنت متابعهـ ...


ولكن .. ياأبو زياد أتوقع انه خانك فهمك او بمعني اصح لم تعرف مايقصدة صياف في بعض الابيات ..

عموما استمتعنا بهذة المحاورة الشيقة..

تحيتي..

[سامي الحربي]

صياف العلوي




سلام ومرحبا يارفيقي خـذ الثنتيـن =عسى الله يفرجها وتصبح لنا ذكـرى
مضى خمسة عشر عام نزعبها بدلوين = وراع الدلا ضامي ومن زعبهن ازرى

ابوزياد


هلا ياسمي العود والعلم بيـن اثنيـن=انا وانت والشعار من غيرنـا تقـرى
يقولون دلون جم والدلو الاخرى طين=عسى مسهمي واياك ماهو من الاخرى

صياف العلوي


انا ماعرف ظنك تمشيها على ميـن =تقول هذي زينه وهي علقم وصبرى
انا شايفك خداع تمشي على الحبلين=ولا تنفعك فااليل لازانت القمـرى

ابوزياد




انا اشوف عزت عقب بغداد يبي الصين=لكن سورها عالي ولاالله كتب نصرى
ولاهوب عيب الرجل لاصاردنيا وديني= عيبه الى مـن تـاه بالليلـه الغـدرى


صياف العلوي


كلامك قله للي معه شلفـا وسكيـن=ولاتنصح اللي فالسما تقذف الجمرى
ولا ننقص الرجال لاصار بين وبين= وراع الغداري لاسرى بيضيع جبرى



ابوزياد


جميع البشر تشهد على اللي تشوف العين=فوارق حقيقيـة مـن البيـع والمشـرى
وياللعجب رجال يمشي علـى الرجليـن=يبي يساوي الفارس على المهره الصفرى

صياف العلوي


تشوف المجنـن مـا تسـاوى مـع الصاحيـن=لكـن المصيبـه صاحيـن عـادتـه قـشـرى
ولا ياارهـابـي انـتـه تقسمـنـا لنصفـيـن=وحنا شعب واحد تحت راية خضرى

ابوزياد


يشوفون شئ ن مايناسب مع التلحين = مثل خبط عشواء ياقلم خط مايطرى
اجامل علشان اسم عودٍ لنا من اسنين = توفى وحبه بين الاضلاع مايبرى


صياف العلوي


تبني بيوت ونكتفـي عنهـا ببيتيـن=وهوج الرياح من الرمل فالبيت تذرى
دخلت السوق والسوق مايدخل بقرشين=وتبغى تشتري بالقروش سوار كسرى

صح لسانكم وانا بصف صياف من دون قصور في ابوزياد اعرف ان ابوعبدالله وفهد الغرابي بصفه

الليل يالشعار

الداب الداب

[فهد الغرابي]

السلام عليكم ورحمة الله وبركاته

حقيقه اول مره ادخل لقسم المحاوره اليوم

ووجدة من الجمال الكحثييييييييير

بهذه المحاورة بين الشاعرين

صياف العلوي + وبو زياد

الذي امتعونأ بحضورهم

فالهم مني جل الشكر والحترام

ولاهنو جميعا

تحيااااااااتي

[حامد بن دهيكل]

صح السانكم


اشهد لله انكم شعار لايعلا عليكم

متااااااااااااابع

[ســعود]

أنا ....بصف الشعر

[الشلياني]

بيض الله وجيهكم ماقصرتم جميع وتستحقون الأشاده على هاالطاروق الرائع

( ماقصرت ياابو زياد سديت الموقف )